2 Август – Светиот пророк Илија: Големиот старозаветен пророк и чудотворец

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

ДРУГО

2 Август – Светиот пророк Илија: Големиот старозаветен пророк и чудотворец

02 август 2026

• од Гоце Кически

Православните верници денеска го одбележуваат празникот посветен на Светиот пророк Илија (Илинден), еден од најпочитуваните старозаветни пророци и голем ревнител за Божјата вера.

Според христијанското предание, Илија потекнувал од градот Тесвит, поради што е наречен Тесвитјанин. Уште при неговото раѓање, неговиот татко имал видение во кое ангели го повивале детето во оган и го хранеле со пламен, што се смета за симбол на неговата силна вера и духовна сила.

Илија го поминал животот во молитва и подвиг, а најпознат е по својата борба против идолопоклонството во времето на израилскиот цар Ахав и неговата сопруга Језавела, кои го вовеле култот кон богот Ваал. Пророкот го повикувал народот повторно да Му се врати на единствениот Бог.

Во Светото писмо се опишани бројни чуда поврзани со него. Со Божја помош, според преданието, три години и шест месеци немало дожд, а потоа со молитва повторно го повикал дождот. Спуштил оган од небото врз жртвеникот, ги умножил брашното и маслото кај вдовицата во Сарепта и го воскреснал нејзиниот син.

На крајот од својот земен живот, пророкот Илија бил вознесен на небото во огнена кочија со огнени коњи, без да ја вкуси смртта. Во Новиот завет се споменува дека заедно со пророкот Мојсеј му се јавил на Исус Христос при Неговото Преображение на гората Тавор.

Според православното учење, Светиот пророк Илија ќе се појави повторно пред крајот на светот како сведок на Божјата вистина и борец против Антихристот.