СДСМ: Изјавата на Мицкоски е признание дека проблемот со водата траел со години

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

СДСМ: Изјавата на Мицкоски е признание дека проблемот со водата траел со години

01 август 2026

• од Гоце Кически

СДСМ обвини дека изјавата на премиерот Христијан Мицкоски за исправноста на водата во Гостивар претставува признание дека проблемот со водоснабдувањето постоел подолг период и дека институциите не реагирале навреме.

Во партиското соопштение се наведува дека, ако за првпат по многу години граѓаните ќе добијат целосно бактериолошки исправна вода, тоа значи дека проблемот не бил решен и покрај тоа што, како што тврдат од СДСМ, ВМРО-ДПМНЕ две години ја има власта.

Опозициската партија тврди дека водата во Гостивар сè уште не е безбедна за пиење и посочува дека по хиперхлорирањето се појавила нова бактерија. Потсетуваат дека министерот за здравство Арбен Таравари Клековски најавил дека до крајот на неделата водата ќе биде безбедна и велат дека ќе ја следат реализацијата на тоа ветување.

Од СДСМ повторно бараат да бидат објавени документите за тоа кој потпишал дека водата е технички исправна за користење, како и сите резултати од анализите.

Во соопштението партијата оценува дека проблемот не е ограничен само на Гостивар, туку дека небезбедна вода има во повеќе од 50 населени места низ државата. Според СДСМ, станува збор за системски институционален неуспех, за кој, како што наведуваат, одговорност треба да понесат надлежните институции и функционери.