ДУИ: Владата ѝ доделила околу 90 отсто од средствата од Охридскиот договор на српски организации

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

ДУИ: Владата ѝ доделила околу 90 отсто од средствата од Охридскиот договор на српски организации

01 август 2026

• од Никола Трајковски

ДУИ ја обвини Владата дека најголемиот дел од грантовите наменети за спроведување на Охридскиот рамковен договор завршиле кај организации од српската заедница. Од партијата бараат целосна транспарентност за распределбата на средствата и институционална истрага.

Според ДУИ, околу 90 проценти од средствата од програмата за спроведување на Охридскиот рамковен договор биле доделени на организации од српската заедница. Од партијата оценуваат дека станува збор за „скандал без преседан“ и ја обвинуваат Владата, како и коалицијата ВЛЕН, дека го поткопуваат духот на Охридскиот договор.

ДУИ тврди дека наместо средствата да придонесат за унапредување на правата и еднаквоста, тие се користат за други политички приоритети. Во реакцијата се наведува и дека Албанците се соочуваат со намалување на институционалната застапеност и влијание.

Партијата изразува загриженост и поради, како што наведува, засилено политичко и институционално влијание на проектот „Српски свет“ во Северна Македонија, оценувајќи дека тоа е спротивно на мултиетничкиот карактер на државата и нејзината евроатлантска ориентација.

ДУИ побара итно да биде објавена целосната листа на корисници на грантовите, износите доделени за секој проект, составот на комисијата што ги оценувала апликациите, освоените бодови и записникот од одлучувањето. Од партијата бараат случајот да биде предмет на институционална и политичка истрага.