Нова кривична пријава против Стевчо Јакимовски за несовесно работење во службата

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Нова кривична пријава против Стевчо Јакимовски за несовесно работење во службата

15 септември 2026

• од Темелко Тошев

Против градоначалникот на Општина Карпош, Стевчо Јакимовски, поднесена е нова кривична пријава. Тој се сомничи за сторено кривично дело „Несовесно работење во службата“ според член 353-в од Кривичниот законик. Кривичната пријава е резултат на полициска акција на Одделот за криминалистичка полиција во координација со СВР Скопје, а по наредба на Основното јавно обвинителство Скопје.

Покрај Јакимовски, кривично се пријавени уште две лица од Општина Карпош за „Злоупотреба на службена положба и овластување“. Станува збор за Благица Блажевска, раководителка на Секторот за урбанизам, против која се поднесени четири кривични пријави, како и Симона Серафимовска Ѓуреска, вработена во истиот сектор, против која се поднесени две пријави.

Според пријавата, случајот се темели на две главни основи:

Издавање одобрение врз укинат ДУП: Првиот дел од случајот се однесува на издавање одобрение за градење врз основа на Детален урбанистички план (ДУП) кој бил укинат со одлука на Уставниот суд уште во 2018 година. Постои сомнение дека пријавените знаеле оти планот е укинат, а дополнително се посочува дека и самиот Јакимовски претходно дал насоки да не се издаваат акти за ДУП-ови кои се укинати од судот.
Проект спротивен на важечкиот план: Вториот случај е поврзан со основен проект кој бил изработен спротивно на важечкиот урбанистички план. Наместо да биде вратен кај инвеститорите на доработка, на 29 октомври 2025 година за истиот било издадено одобрение за градење.

Со овие постапки, според полицијата, на инвеститорите им било овозможено противправно да се стекнат со право на изградба на објект во вредност од 13.021.914 денари.

Кривичната пријава веќе е доставена до Основното јавно обвинителство Скопје, кое треба да постапи по доказите кои ги прибрала полицијата.