Филипче: Нема ни трага од 5 милиони евра во „Отворени финансии“, Обвинителството под итно да го следи текот на парите!

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Филипче: Нема ни трага од 5 милиони евра во „Отворени финансии“, Обвинителството под итно да го следи текот на парите!

14 септември 2026

• од Темелко Тошев

Претседателот на СДСМ, Венко Филипче, на денешната прес-конференција упати остри критики до актуелната Влада и премиерот Христијан Мицкоски, обвинувајќи ги за огромна проневера на народни пари. Тој алармираше дека во системот „Отворени финансии“ нема апсолутно никаква трага од 5-те милиони евра, за кои постојат сомнежи дека се потрошени за концертот на Дејвид Гета.

Филипче потсети дека премиерот првично ја убедувал јавноста оти за овој настан не бил потрошен ниту еден денар од граѓаните, но откако од СДСМ биле презентирани соодветни документи, тој морал да признае дека станува збор за сума од дури 5 милиони евра.

„Премиерот излезе и ја лажеше целокупната македонска јавност дека не е потрошен ниту еден денар народни пари, за веќе следниот ден, кога го соочивме со документи, да мора да признае дека се потрошени ни помалку, ни повеќе 5 милиони евра. На каков начин, сè уште не знаеме. Обвинителството треба тоа да го утврди. Финансова полиција, исто така да се активира и да го следи текот на парите, затоа што очигледно е дека станува збор за голема проневера“, истакна Филипче пред новинарите.

Тој додаде дека и покрај тврдењата на Мицкоски оти сите трансакции се транспарентни и достапни, во системот „Отворени финансии“ нема буквално ниту еден податок за ваква исплата, што според него отвора сериозни сомнежи за незаконско постапување.

„Која е таа постапка во која со телефонско јавување од премиерот до директорот на Државна лотарија може да се управуваат 5 милиони евра? Без одлука на Собранието на акционери и без ниту еден податок во ‘Отворени финансии’. Нема ни трага од парите што завршиле во џебовите на изведувачите. Не знаеме кој колку добил. Сега и на малите деца им е јасно дека станува збор за коруптивен проект“, праша лидерот на опозицијата.

На крајот од своето обраќање, Филипче потенцираше дека наместо на сомнителни и нетранспарентни проекти, овие милионски суми можеле да бидат искористени за директна поддршка на граѓаните – за семејствата пред почетокот на учебната година, за земјоделците, лекарите, наставниците и социјалните случаи.

Тој упати и предупредување до сите директори и функционери инволвирани во случајот, порачувајќи им добро да размислат пред „слепо“ да ги следат насоките на премиерот, бидејќи за ваквото трошење на народните пари неминовно ќе следува одговорност.