Одбраната на Дејан Јованов нуди имотна гаранција: Притворот за трагедијата во „Пулс“ му истекува на 3 октомври

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Одбраната на Дејан Јованов нуди имотна гаранција: Притворот за трагедијата во „Пулс“ му истекува на 3 октомври

14 септември 2026

• од Темелко Тошев

На 3 октомври, по сила на закон, му истекува едногодишниот притвор на Дејан Јованов, првообвинетиот за катастрофалниот пожар во дискотеката „Пулс“ во Кочани. Поради ова, неговата одбрана најави дека во текот на оваа недела ќе понуди гаранција во имот, со цел на Јованов да му бидат определени мерки на претпазливост за понатамошниот тек на судската постапка.

На последното рочиште, кое се одржа во судницата во затворот Идризово при Основниот кривичен суд Скопје, адвокатката на Јованов, Ивана Коцевска, побара од Судот да дозволи посета од нотар. Целта е Јованов да завери изјава за согласност за оптоварување на имотот кој ќе биде понуден како дел од гаранцијата.

„По сила на закон на Дејан Јованов му истекува притворот на 3 октомври и тоа не е по вина на одбраната, туку по закон. Имајќи предвид дека судот може да даде само мерки на претпазливост, најавуваме дека во текот на оваа недела ќе биде поднесен предлог за определување на гаранција“, истакна Коцевска. Таа додаде дека гаранцијата ќе претставува сигурност за судот и јавноста дека обвинетиот ќе биде целосно достапен во понатамошниот процес.

Судијката Дијана Груевска-Илиевска, која го води овој комплексен предмет, потврди дека притворот од една година мора да заврши, нагласувајќи дека тоа не е по вина ниту на одбраната, ниту на Судот.

Одбраната не ја негира одговорноста, туку умислата

Адвокатката Коцевска посочи дека бавното темпо на судењето се должи на широко опфатеното обвинение и долгата временска рамка за докажување. Таа нагласи дека одбраната не ја негира одговорноста на Јованов, туку правната квалификација на делото.

„Ние не дадовме признание на вина во текот на постапката од проста причина што ја негираме правната квалификација на делото. Умислата ја негираме. Де факто кај него постои одговорност, но таа може да биде само од небрежност, а не на начинот на кој е срочено во обвинението. Бараме да се испочитува неговото право на фер судење“, појасни Коцевска.

Продолжува доказната постапка

Судскиот процес, во кој обвинението го застапува тим од дури 15 јавни обвинители, сè уште се наоѓа во доказна постапка. Во моментов се врши испрашување на градежните вештаци од Градежниот факултет при УКИМ, кои го изработиле вештачењето за Обвинителството. По завршувањето на нивниот распит, треба да започне изведувањето на доказите на одбраната.

Трагедијата во кочанската дискотека „Пулс“, која се случи на 16 март 2025 година за време на настап на групата ДНК, претставува една од најтешките несреќи во поновата историја на земјата. Во страотниот пожар животот го загубија 63 лица, а над 200 беа повредени.