Украина бара Советот на Европа да ги поддржи локалните медиуми во окупираните од Русија територии

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Украина бара Советот на Европа да ги поддржи локалните медиуми во окупираните од Русија територии

01 октомври 2026

• од Гоце Кически

Украина предлага поддршката за локалните редакции да стане дел од новиот акциски план на Советот на Европа за земјата, со цел да се заштитат новинарите и пристапот до проверени информации, особено на окупираните од Русија територии.

Како што објави украинскиот портал „Межа“, повикувајќи се на агенцијата „Укринформ“, иницијативата ја претставила Евгенија Кравчук, членка на украинската делегација во Парламентарното собрание на Советот на Европа. Таа за предлогот веќе разговарала со генералниот секретар и со други претставници на организацијата.

Кравчук нагласила дека локалните редакции имаат особено важна улога во окупираните подрачја, каде што новинарите на кои граѓаните им веруваат често се меѓу ретките извори на сигурни информации. Според „Укринформ“, руските сили напаѓаат центри за податоци, вршат притисок врз роднините на медиумските работници и ги злоупотребуваат имињата на локални весници за ширење пропаганда.

„Межа“ наведува дека најмалку дваесет и седум украински новинари се наоѓаат во руско заробеништво, а реалната бројка може да биде и поголема. Украинскиот парламент планира посебна седница посветена на медиумските работници кои се во заробеништво.

Иницијативата е поврзана и со одбележувањето на споменот на украинската новинарка Викторија Рошчина, која почина во руско заробеништво. Настанот е посветен на новинарите кои загинале при известување од воени зони и на мерките за подобра заштита на медиумските работници.