Ковачевски: Никој не може да го пипне нашиот идентитет, а Францускиот предлог е добро решение

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Ковачевски: Никој не може да го пипне нашиот идентитет, а Францускиот предлог е добро решение

05 јуни 2026

• од Темелко Тошев

Актуелниот пратеник и поранешен премиер и лидер на СДСМ, Димитар Ковачевски, во своето последно тв гостување на Канал 5, испрати силни пораки во однос на македонскиот идентитет, историјата и евроинтегративниот процес на земјата.

Тој децидно истакна дека македонските црвени линии се заштитени и дека никој нема моќ да влијае врз она што е темел на нацијата.

„Никој не може да го менува македонското гледање на историјата“

Ковачевски се осврна на работата на Историската комисија и разговорите со соседна Бугарија, потенцирајќи дека отстапки од историските факти и идентитетот нема да има.

„Јас не сметам дека ние треба да се откажеме од било што од нашата историја во рамки на Историската или било која друга комисија. Ние треба да се задржиме на ставот што го имаме за нашата историја. Никој не може да го менува македонското гледање на историја. Никој не може да го пипне нашиот идентитет затоа што тоа е наш идентитет. Никој не може да забрани ние да бидеме Македонци“, изјави Ковачевски.

Тој додаде и дека стравувањата од нови блокади во однос на историските прашања се неосновани:

„Не може пак да стават вето затоа што тоа не е дел од преговарачката рамка“, дециден е поранешниот премиер.

Јазикот е заштитен во ЕУ, фокусот се префрли на Уставот

Според него, клучната битка за македонскиот јазик е веќе добиена на меѓународна сцена. Ковачевски потсети дека токму јазикот бил првичната сопка во разговорите, што сега е надминато.

Заштита на јазикот: „Преговорите со Бугарија застанаа затоа што не го признаваше македонскиот јазик во ЕУ. Фронтекс е потпишан на македонски јазик. Во преговарачката рамка стои македонски јазик.“
Нов фокус: „Оттаму преговорите се префрлија на малцински прашања – влез на Бугарите во Уставот“.

Во однос на малцинските права во Македонија, тој потенцираше дека земјава е пример за целиот свет: „Ако постои држава во свет во која на подобар начин се решени малцинските прашања, јас симнувам капа“.

„Францускиот предлог останува актуелен и балансиран“

Зборувајќи за преговарачката рамка, попозната како „Француски предлог“, Ковачевски оцени дека станува збор за документ кој нуди реален компромис и кој нема да го изгуби своето значење во иднина.