Скандал во Институтот за јавно здравје: Плати на архивари до 100 илјади денари, злоупотреба на гориво и фиктивни договори

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Скандал во Институтот за јавно здравје: Плати на архивари до 100 илјади денари, злоупотреба на гориво и фиктивни договори

04 јуни 2026

• од Темелко Тошев

Низа сериозни финансиски и административни злоупотреби се откриени во работењето на Институтот за јавно здравје (ИЈЗ). Енормно високи плати за административци, фантомски трошоци за гориво и сомнителни договори на дело се само дел од неправилностите кои беа обелоденети во јавноста.

Според информациите од Институтот, платата на еден архивар достигнала речиси 100.000 денари. Дополнително, исплати за дежурства (подготвеност за работа) биле регистрирани и за административни службеници. Според законските регулативи, овие лица немаат право на ваков тип надоместок, бидејќи не се дел од медицинскиот персонал.

Клучни неправилности откриени во ИЈЗ:

Фантомски трошоци за гориво: Картички за гориво биле користени од лица за кои во Институтот не постојат никакви податоци ниту сознанија. Преку овие картички се потрошени околу 150.000 денари, без јасно утврдена одговорност за тоа кој ги направил трошоците.
Фиктивни договори на дело: На лица кои веќе биле редовно вработени им биле склучувани дополнителни договори на дело за активности како наводно одржување на зеленилото и чистење на дворот. За овие услуги, тие месечно земале дополнителни суми кои достигнувале и до 88.000 денари.
Недостиг на евиденција за вакцини и реагенси: Потврдени се наодите од ревизорскиот извештај кои укажуваат дека не постоела соодветна евиденција за вакцините. Во одредени периоди, вклучително и за време на епидемии, во Институтот недостигале и неопходни реагенси за работа.

Актуелната директорка на институцијата, Марија Андоновска, истакнува дека овие откритија претставуваат само мал дел од неправилностите и прекршените правила кои владееле во текот на 2024 година, но и во изминатите години.

„Од 2017 година наваму немало суштинска контрола врз работата на Институтот,“ посочува Андоновска.

Директорката јавно повика на одговорност и истакна дека очекува надлежните органи и Обвинителството во најбрз можен рок да покренат постапки против сите лица инволвирани во овие можни незаконски дејствија.