Љубчо Георгиевски: Историското ВМРО настана како реакција на српската пропаганда, а денес партијата е синоним за српски свет

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Љубчо Георгиевски: Историското ВМРО настана како реакција на српската пропаганда, а денес партијата е синоним за српски свет

04 јуни 2026

• од Темелко Тошев

Поранешниот премиер и основач на ВМРО-ДПМНЕ, Љубчо Георгиевски, упати остри критики кон денешната политика на партијата, обвинувајќи за „лажен македонски патриотизам“ и целосно извртување на историските идеали на македонската револуционерна борба.

Во своето најново обраќање, Георгиевски направи директна паралела помеѓу причините за основањето на историското ВМРО и денешната идеолошка насока на партијата, нарекувајќи ја актуелната состојба „несфатливо салтомортале“.

Историското ВМРО наспроти денешниот „српски свет“

Георгиевски потсети на самите почетоци и мотивите на револуционерите, посочувајќи дека организацијата изворно била бедем токму против странските влијанија кои денес, според него, се промовираат.

„Партијата која е создадена, според основачите од историското ВМРО, многу јасно пишува: кога сфативме дека и српската пропаганда доаѓа во Македонија, решивме да го направиме ВМРО. Значи, историските основачи ја направиле како реакција на српската пропаганда во Македонија“, истакна Георгиевски.

Тој изрази неверување за трансформацијата што се случува денес во политичкиот блок кој се повикува на тоа историско наследство.

„И вие денеска да имате едно такво салтомортале, кајшто вие добивате партија која е синоним за српскиот свет во Македонија... Не можам да го сфатам тоа“, додаде тој.

„Преку глава ми е од лажен патриотизам“

Осврнувајќи се на актуелната политичка реторика во земјава, поранешниот премиер не го криеше револтот кон оние кои денес се претставуваат како ексклузивни бранители на националните интереси.

За лажниот патриотизам: „Знаете, од тој лажен македонски патриотизам ми е преку глава.“
За сопствениот легацитет: „Јас знам што е Македонија, знам што е изворна Македонија и знам што е борба за самостојна и независна Македонија. Јас сум во основата на борбата за самостојна и независна Македонија.“

На крајот, Георгиевски порача дека неговото место во поновата македонска историја е непобитно и дека дневно-политичките напади немаат тежина врз фактите.

„Прв сум кој кажал самостојна и независна Македонија во оваа држава и знам дека никој, со никаква етикета, не може да ми го земе тоа“, заклучи Георгиевски.