Огнена стихија во прилепско Чаниште: Проголтани над 15 куќи, експлозии на стари гранати го отежнуваа гаснењето

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Огнена стихија во прилепско Чаниште: Проголтани над 15 куќи, експлозии на стари гранати го отежнуваа гаснењето

18 август 2026

• од Темелко Тошев

Огромна материјална штета и тажна слика остави зад себе големиот пожар што вчера го зафати мариовското село Чаниште. Огнената стихија пеплоса повеќе од 15 куќи и други помошни објекти, додека малубројните жители сè уште стравуваат од можно повторно разгорување на пламените јазици.

Според информациите од терен, пожарот избувнал вчера околу 13:30 часот во околината на селото, но многу брзо се проширил кон објектите. Десетината жители кои живеат во Чаниште храбро застанале рамо до рамо со пожарникарите во обид да ги спасат своите домови и да спречат понатамошно ширење на огнот.

Она што ја направи ситуацијата исклучително критична и опасна за сите вклучени во гаснењето биле неексплодираните гранати останати од Првата светска војна. За време на пожарот се слушале детонации во селото и неговата близина, што дополнително го отежнало движењето на екипите и борбата со огнената стихија.

Интервенцијата за целосно ликвидирање на пожарот продолжува и денеска. На терен неуморно работат припадници на Територијалната противпожарна единица (ТППЕ) Прилеп, Дирекцијата за заштита и спасување, Универзалната единица од Прилеп, екипи на ЈП „Македонски шуми“, како и доброволни противпожарни друштва помогнати од месното население.

Градоначалникот на Општина Прилеп, Дејан Проданоски, извести дека општината обезбедила целосна логистика, човечки ресурси, храна и вода за сите служби кои учествуваат во гаснењето. Истовремено, тој упати и сериозен апел до граѓаните за максимална внимателност во овој период на висок ризик од пожари.

„Апелирам да не се палат стрништа, ниви, отпад и сува вегетација, да не се остава оган без надзор и граѓаните да бидат крајно внимателни при секое движење и работење во природа“, порача Проданоски.

И покрај големата материјална штета и претрпениот страв, за среќа во катастрофалниот пожар нема повредени лица. Надлежните екипи остануваат во Чаниште за да се осигурат дека нема опасност од нови жаришта.