СДСМ обвинува за неажурност: Епидемија на западнонилска треска, а Скопје ќе се прска против комарци дури утре

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

СДСМ обвинува за неажурност: Епидемија на западнонилска треска, а Скопје ќе се прска против комарци дури утре

17 август 2026

• од Темелко Тошев

Македонија се соочува со сериозни здравствени и комунални предизвици, за кои од опозициската СДСМ обвинуваат дека институциите реагираат премногу доцна. Според нивното најново соопштение, државата ја тресе епидемија на западнонилска треска, додека прскањето против комарци во главниот град е најавено дури за утре.

„Пет недели проблеми со водата. Две недели епидемија на западнонилска треска. А прскањето против комарци во Скопје почнува дури утре. Сè се чека со денови, се доцни. Ништо не се прави навреме за да се спречат проблемите со кои се соочуваат граѓаните“, истакнуваат од СДСМ, критикувајќи ја реакцијата на надлежните власти.

Десетина заразени и двајца починати во Скопје

Од партијата алармираат за сериозноста на ситуацијата со западнонилската треска, посочувајќи дека во Скопје веќе има десетина заразени пациенти, од кои дел се хоспитализирани, а болеста веќе однесе и две човечки животи. И покрај ова, СДСМ смета дека конкретни чекори изостануваат и дека сè се сведува на медиумски настапи и меѓусебни обвинувања, без да се понудат реални решенија.

Оттаму посочуваат дека недостасуваат стручни лица кои би дале соодветни одговори и насоки, како и документи кои ќе ги потврдат тврдењата на властите, додека министерот за здравство, како што велат, со денови не е присутен во јавноста.

Критики за неажурност и за проблемот со водата во Гостивар

Покрај епидемијата, од СДСМ се осврнаа и на неодамнешниот скандал со загадената вода во Гостивар.

„Кај водата во Гостивар се знаеше денови однапред дека е отруена – никој не реагираше. Граѓаните со денови пиеја вода загадена со фекалии, а институциите молчеа“, велат од СДСМ, додавајќи дека и за овој случај, како и за епидемијата, нема одговорни и не реагира ниту Обвинителството.

Од партијата упатија и критики кон градоначалникот Орце Ѓорѓиевски, коментирајќи дека се појавува само за бизарни објави, како „билборд со коњ што има пет нозе“, додека неговите колеги од власта, кои СДСМ ги нарекува „криминална организација“, се на екскурзија.

„Како би изгледала оваа власт составена од 'промакедонски' тендер-патриоти ако се најде во некоја светска епидемиолошка криза? Подобро да не помислуваме“, заклучуваат од СДСМ во своето соопштение.