Левица: Власта три години го крши Законот за субвенциониран студентски оброк, студентите се оштетени за 6,5 милиони евра

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Левица: Власта три години го крши Законот за субвенциониран студентски оброк, студентите се оштетени за 6,5 милиони евра

17 август 2026

• од Темелко Тошев

Генералниот секретар на Црвена Младина, Марија Ванчева, на денешната прес-конференција обвини дека владејачката партија ДПМНЕ веќе три години не го почитува законското право на студентите за усогласување на субвенционираниот студентски оброк со стапката на инфлација. Според проценките на партијата, со ова грубо кршење на законот, студентите во државата се оштетени за сума од околу 6,5 милиони евра.

„Ова е јасен доказ дека ДПМНЕ не се грижи за народот, туку единствено за своето гласачко тело. Тие, спротивно на законот, им ги ускратуваат и оние минимални права кои законски им следуваат на студентите. Со ова, од студентите противзаконски се скратени околу 6,5 милиони евра“, истакна Ванчева.

Од Левица потсетуваат дека станува збор за конкретна законска обврска. Имено, Законот за субвенциониран студентски оброк јасно предвидува зголемување на износот на средствата во согласност со годишната инфлациска стапка пред донесувањето на Буџетот за наредната година. Сепак, и покрај тоа што во меѓувреме се донесени дури три годишни буџети, износот на субвенционираниот студентски оброк останал непроменет.

„Иако поминаа три годишни буџети, мизерниот износ за субвенциониран студентски оброк остана ист! Тоа значи дека во изминатите три години, властите на секој студент му скратиле по 650 денари месечно кои законски му следувале“, посочи Ванчева.

Според ставот на Црвена Младина, овој проблем ја надминува само висината на студентскиот надоместок и е директен показател за тоа кои граѓани се во политичкиот фокус на власта. Во време кога трошоците за живот рапидно растат, студентите остануваат без нивното законски загарантирано усогласување на средствата.

„Ова е доказ дека во Македонија владее систем на геронтократија! Ориентацијата на ДПМНЕ исклучиво кон нивното гласачко тело ги држи и пензионерите и студентите во заложништво, секој на различен начин“, заклучи Ванчева на прес-конференцијата.