Хорор во кумановско: Ги убивал жртвите за да има сексуални односи со нивните мртви тела

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Хорор во кумановско: Ги убивал жртвите за да има сексуални односи со нивните мртви тела

20 јуни 2026

• од Темелко Тошев

Основното јавно обвинителство Куманово денеска поднесе обвинителен акт против 25-годишен жител на Старо Нагоричане, осомничен за серија монструозни злосторства. Според истрагата, тој е обвинет за четири убиства и два обиди за убиство, а мотивот за овие грозоморни дела била некрофилија.

По завршувањето на истрагата, Обвинителството го товари 25-годишникот за кривично дело Убиство според член 123 став 2 точка 4 од Кривичниот законик, како и за два обиди за убиство во истата квалификувана форма. Бидејќи со умисла лишил од живот повеќе лица, според член 123 став 3, му се заканува затворска казна од најмалку 10 години или доживотен затвор.

Според вештачењата извршени во текот на истрагата, тој ги сторил делата од крајно ниски побуди – со цел задоволување на половите страсти врз мртвите тела на жените, што претставува чин на некрофилија.

Хронологија на злосторствата

Клечовце (5-6 јануари 2025): Серијата злосторства започнала во селото Клечовце, каде напаѓачот со умисла лишил од живот постара и немоќна жена. Тој влегол во нејзината куќа додека таа спиела, физички ја нападнал и почнал насилно да ја дави. Жртвата починала како последица на бројните скршеници и повреди кои ѝ го оневозможиле дишењето.
Драгоманце (5-7 јуни 2025): Во овој период, во селото Драгоманце, тој на речиси идентичен начин убил уште една жена.
Челопек (22 јули 2025): Третиот настан е регистриран како обид за убиство. Тој нападнал жена во селото Челопек, но таа успеала да се спаси откако почнала да го повикува својот син, по што обвинетиот се исплашил и побегнал.
Старо Нагоричане (17-18 јануари 2026): Во вечерните часови, обвинетиот лишил од живот помлада жена за која знаел дека живее сама, користејќи го истиот начин на извршување за да ги оствари своите морбидни цели.
Челопек (5-6 февруари 2026): Напаѓачот повторно се вратил во Челопек, каде убил уште една постара и немоќна жена.
Челопек (9 февруари 2026): Последниот регистриран настан е уште еден обид за убиство. Жртвата успеала да се спаси благодарение на тоа што напаѓачот се исплашил од бучава што ја слушнал и побегнал пред да ја реализира својата намера.

Јавниот обвинител до судијата на претходна постапка од Основниот суд во Куманово достави и предлог за продолжување на претходно определената мерка притвор за обвинетиот.