СДСМ: Извештајот на ЕП ја потврдува опасноста од странско мешање, Владата на Мицкоски го шири антиевропскиот наратив

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

СДСМ: Извештајот на ЕП ја потврдува опасноста од странско мешање, Владата на Мицкоски го шири антиевропскиот наратив

19 јуни 2026

• од Темелко Тошев

Европскиот парламент во својот најнов извештај за Македонија недвосмислено предупредува на сериозни ризици од странско мешање, кое директно го загрозува европскиот пат на земјата. Од опозициската СДСМ преку соопштение истакнуваат дека навреме предупредувале за овие ризици, кои, според нив, сега стануваат сè поочигледни и поопасни.

Според соопштението од партијата, во извештајот на ЕП посебен фокус е ставен на руските напори за проектирање влијание, кинеското економско и политичко присуство, но и на растечките врски со Србија. Европратениците, како што посочуваат од СДСМ, изразуваат сериозна загриженост поради промоцијата на илибералната агенда во регионот и влијанието на таканаречениот „српски свет“, кој е насочен против европската ориентација на Македонија.

Од партијата нагласуваат дека, иако ова не е првпат Европскиот парламент да укажува на овие опасности, тајмингот на овие предупредувања е исклучително критичен.

„Ова е првпат кога ваквите предупредувања доаѓаат во момент кога Владата на Христијан Мицкоски отворено ја копира политиката на Вучиќ и ‘српскиот свет’ – и во реторика, и во наратив, и во политичкиот модел“, велат од СДСМ.

Обвинувања за уназадување на државата

Опозицијата директно ја обвинува актуелната власт предводена од ВМРО-ДПМНЕ дека наместо да се бори против странските влијанија, активно учествува во нивното ширење.

Според СДСМ, додека владејачкото мнозинство секојдневно турка антиевропски наратив, ги навредува поддржувачите на ЕУ и ја блокира европската иднина на граѓаните, државата ја губи својата отпорност кон надворешни закани.

„Наместо да ја зајакнува отпорноста на државата, Владата ја слабее преку политички прогон, контрола на медиуми и откажување од реформи. Европскиот парламент го кажа она што граѓаните го чувствуваат секој ден – Македонија е изложена на странско влијание, а Владата не само што не го спречува, туку активно придонесува за него“, се додава во партиското соопштение.

СДСМ останува на европскиот курс

На крајот од своето обраќање кон јавноста, од Социјалдемократскиот сојуз порачуваат дека остануваат доследни на заложбите за европски интеграции и владеење на правото.

Тие порачуваат дека цврсто стојат на страната на отпорноста од секое странско мешање, без разлика дали е тоа руско, кинеско или регионално.

„Граѓаните заслужуваат Македонија да биде дел од Европа, а не заложник на туѓи интереси и туѓи наративи“, заклучуваат од опозициската партија.