Европратеничката Лајкова: ЕУ зборува за европски вредности, а ги игнорира проблемите на Бугарите во Северна Македонија

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Европратеничката Лајкова: ЕУ зборува за европски вредности, а ги игнорира проблемите на Бугарите во Северна Македонија

19 јуни 2026

• од Темелко Тошев

Бугарската европратеничка Рада Лајкова во своето обраќање пред европските институции изнесе тврдења за наводен инцидент пред бугарската амбасада во Скопје и упати барање до Европската Унија за заштита на правата на Бугарите во Северна Македонија. Во говорот таа се осврна и на прашања поврзани со македонскиот јазик и историја.

Тврдења за запалени возила и реакцијата на полицијата

Според изјавата на Лајкова, пред бугарската амбасада во Скопје биле запалени дипломатски возила. Таа наведе дека за време на инцидентот биле присутни полициски службеници кои не интервенирале, што, според неа, му овозможило на сторителот непречено да го изврши делото.

Во овој контекст, таа се повика на статусот на Бугарија во Европската Унија, изјавувајќи дека земјата е дел од „клубот на богатите, убавите и успешните“ и порача дека очекува бугарските интереси да се почитуваат и да не се дозволи подигрување со нив.

Ставови за јазикот, историјата и идентитетот

Во своето излагање, Лајкова побара од Брисел да ги заштити правата на Бугарите во Северна Македонија и ги изнесе следните ставови пред европратениците, со цел да ја објасни „проблематиката на Балканот“:

За јазикот и потеклото: Изјави дека во Македонија се зборува дијалект на бугарскиот јазик и дека преобладувачкиот дел од населението е од бугарско потекло.
За историјата: Говорејќи на, како што самата го нарече, „бугарскиот јазик кој се зборува во Македонија“, изјави: „Оваа македонска историја е вештачка. Таа е фалсификат што е напишан во Белград од србокомунистичките историчари.“

Критика до институциите на ЕУ

Европратеничката го заклучи своето обраќање со критика кон институциите на Европската Унија. Таа посочи дека паралелно со слушањето на зборови за европските вредности и иднината на Западен Балкан, десетици илјади Бугари во Северна Македонија се соочуваат со системско потиснување на нивните права. Лајкова обвини дека во однос на ова прашање, официјалнот став на Европската Унија е да „гледа настрана“.