Почина инспекторот Љупчо Грнчиштанов – еден од обвинетите во случајот „Пулс“

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Почина инспекторот Љупчо Грнчиштанов – еден од обвинетите во случајот „Пулс“

19 јуни 2026

• од Темелко Тошев

На 54-годишна возраст ненадејно почина Љупчо Грнчиштанов, главен инспектор во Државниот пазарен инспекторат (ДПИ) и еден од обвинетите во судскиот предмет поврзан со пожарот во „Пулс“.

Според првичните информации, на Грнчиштанов му се слошило во домашни услови, по што настапила смртта. Со цел да се утврдат точните причини, Основното јавно обвинителство (ОЈО) Скопје најави дека ќе издаде наредба за обдукција на телото на починатиот.

Долгогодишна кариера во ДПИ

Грнчиштанов имаше долгогодишен стаж во инспекциските служби. Повеќе од една деценија, поточно во периодот од 15 јануари 2013 година сè до 16 март 2025 година, тој ја извршуваше високата функција генерален инспектор, односно раководител на Инспекциската служба во рамките на Државниот пазарен инспекторат.

Обвинение и притвор за случајот „Пулс“

Во јавноста неговото име во последно време беше актуелизирано поради судскиот процес за пожарот во „Пулс“. Грнчиштанов беше еден од обвинетите во овој случај и се товареше за кривичното дело „Тешки дела против општата сигурност“.

Поради обвинението и текот на истрагата, тој помина 77 дена во ефективен притвор, по што мерката му беше заменета, а следните 14 месеци ги помина во куќен притвор.

Смртта на Грнчиштанов доаѓа во време додека сè уште траеше правната разврска за овој судски предмет. Се очекуваат официјалните наоди од обдукцијата која ја нареди ОЈО Скопје.