Филипче: Црна Гора добива 3,2 милијарди евра грантови од ЕУ, нашата Влада се фали со 50 милиони

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Филипче: Црна Гора добива 3,2 милијарди евра грантови од ЕУ, нашата Влада се фали со 50 милиони

09 јули 2026

• од Темелко Тошев

Лидерот на СДСМ, Венко Филипче, смета дека таканаречената „Платформа“ е само обид за дефокусирање на јавноста од, како што вели, „тоталниот дебакл на Владата“. Тој нагласува дека наместо да се зборува за владините неуспеси, фокусот намерно се пренасочува кон СДСМ.

„Што се постигнува со ова? Целосен дефокус. Наместо да разговараме за овој дебакл на Владата, за изолацијата од Европа, за проруските влијанија во нашата земја, за проруските ставови лично на владата на Христијан Мицкоски, потоа за дебаклот со буџетот, недостигот на пари за пензии, плати, социјални трансфери и земјоделство, како и за ултра скапите кредити, вклучувајќи го и унгарскиот – ние повторно дебатираме за себе“, изјави Филипче во гостувањето на телевизија „Сител“.

Според Филипче, предложениот ребаланс на буџетот е најјасен доказ за економскиот дебакл на владата предводена од Мицкоски.

„Имаме огромно зголемување на дефицитот. Не се предвидуваат пари за соодветно зголемување на пензиите – пензионерите се изневерени, а нема пари ниту за раст на платите. Нема доволно средства за субвенции во земјоделството, ниту пак за зголемување на социјалните трансфери. Сè е статус кво“, нагласи лидерот на СДСМ.

Филипче предупреди дека додека регионот оди напред и користи милијарди евра од европските фондови, Македонија стагнира, губејќи драгоцено време, пари и реформи.

„Вистинскиот развој доаѓа токму од неповратните средства на Европската Унија. Така се променија и се развија сите земји. Грција, Бугарија и Хрватска искористија милијарди евра од Европа“, посочи тој.

За споредба со регионалните текови, Филипче истакна дека домашната Влада се фали со обезбедени 50 милиони евра, додека во исто време една Црна Гора добива дури 3,2 милијарди евра во форма на европски грантови.