Марта Кос ја откажа посетата на Србија поради величењето на Младиќ

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Марта Кос ја откажа посетата на Србија поради величењето на Младиќ

04 септември 2026

• од Темелко Тошев

Еврокомесарката за проширување, Марта Кос, ја откажа својата планирана посета на Србија поради јавното величење на починатиот воен злосторник Ратко Младиќ. Нејзиниот потег предизвика реакција од српскиот претседател Александар Вучиќ, кој објаснувањето за одложувањето на посетата го оцени како „глупаво“.

Кос требаше да престојува во Белград на 9 септември, само два дена по најавениот погреб на Младиќ. Таа преку социјалните мрежи порача дека величањето што следи по неговата смрт е целосно некомпатибилно со вредностите врз кои се темели Европската Унија.

„Враќањето на неговите останки во Белград ја потсетува Европа на најтемните страници од нашата понова историја. Патот кон ЕУ бара соочување со минатото, вистинско помирување и почитување на жртвите на воените злосторства. Вредностите врз кои почива нашата заедничка иднина не се предмет на преговори“, децидна е Кос. Таа додаде дека начинот на кој ќе се одвива погребот ќе биде земен предвид при оценувањето на усогласеноста на Србија со надворешната и безбедносна политика на ЕУ.

Српскиот претседател Александар Вучиќ остро реагираше на оваа одлука. „Објаснувањето беше исклучително кратко, но глупаво, како и обично. Терминот 'глорификација' на генералот Ратко Младиќ не кажува кој точно нешто глорификувал. Кога не можат да најдат ништо конкретно, се занимаваат со подвозници, надвозници... Претпоставувам дека требаше да им забраниме на луѓето да се појавуваат, да забраниме погреби, или можеби да градиме гробишта за кучиња“, иронично изјави Вучиќ.

Телото на Младиќ, кој беше осуден на доживотен затвор за геноцидот во Сребреница, теророт во Сараево и други тешки воени злосторства, беше пренесено од Хаг во Белград со авион на српската Влада, во кој присуствуваше и министерот за правда. Враќањето на телото се претвори во своевиден државен и медиумски спектакл – по патиштата беа поставени транспаренти „Вечна слава на генералот!“ и „Добредојде дома, генерале“, а ковчегот беше пречекан и со запалени факели.

Закопот на Младиќ е најавен на гробиштата Топчидер, а според безбедносните проценки, се очекува да присуствуваат десетици илјади граѓани.

На случувањата во Србија реагираше и Комесарот за човекови права на Советот на Европа, Мајкл О'Флаерти, кој изрази длабоко згрозување. Тој нагласи дека јавното величење на осуден воен злосторник од страна на функционери во Србија и Република Српска не е говор заштитен со Европската конвенција за човекови права, туку претставува тешка навреда за жртвите. Во меѓувреме, голем дел од провладините печатени медиуми во Србија отворено го слават архитектот на геноцидот, со наслови на насловните страници кои го величаат како херој.