16 ноември 2026
• од Димитар Стојановски
Европската комесарка за проширување Марта Кос очекува во декември да бидат отворени преостанатите преговарачки кластери за пристапување на Украина и Молдавија во Европската Унија. Таа порача дека напредокот зависи и од продолжувањето на реформите, особено во областа на владеењето на правото.
Кос изјави дека неодамнешната средба на работната група ЕУ–Украина била продуктивна. Таа додаде дека украинскиот парламент продолжува да работи на реформите, и покрај прекините предизвикани од воздушните тревоги.
Европската комесарка ја повика Украина да продолжи со реформите во правосудството и да донесе јасни правила за именување и разрешување на главниот обвинител. Според неа, напредокот во реформите е важен за исполнување на условите за членство.
Кос оцени дека проширувањето може да придонесе за безбедноста и влијанието на Европа. Таа нагласи дека сè уште нема јасни индикации оти пристапувањето на Украина во ЕУ ќе биде дел од мировен договор, но дека треба да се создадат услови за повоена обнова на земјата.
Изјавите на Кос ги пренесе Укринформ.
Ненадминливи Понуди Дневно
4.8 (10276 рецензии)
Заштедете 152.00 ден

