18 ноември 2026
• од Темелко Тошев
Бугарија планира од 2027 година да воведе интелигентни системи за безбедност на сите автопати. Информативни табли ќе ги предупредуваат возачите за опасности, вклучително и сообраќајни несреќи и ненадејно влошување на времето.
Системите ќе бидат поврзани со координациски центар, а целта е возачите да добиваат информации во реално време пред да стигнат до ризичните делници. Агенцијата за патна инфраструктура подготвува јавна набавка за проектирање и изградба на системот. Средствата се предвидени во нацрт-буџетот за 2027 година, но нивниот износ не е објавен.
Планот следува по тешката сообраќајна несреќа на автопатот „Тракија“ на 10 ноември, во која загинаа 13 лица. Несреќата се случила при намалена видливост поради магла.
Според прелиминарните податоци на Европската комисија, во Бугарија во 2025 година загинале 71 лице на милион жители во сообраќајни несреќи. Просекот во Европската Унија бил 43 загинати на милион жители. Форбс Бугарија објави дека паралелно се подготвува и нова стратегија за безбедност на патиштата.
Ненадминливи Понуди Дневно
4.8 (10276 рецензии)
Заштедете 152.00 ден

