Вознемиреност во Аеродром: Гаврани напаѓаат кај градинката „Лале“, „Анима Мунди“ повикува на претпазливост

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Вознемиреност во Аеродром: Гаврани напаѓаат кај градинката „Лале“, „Анима Мунди“ повикува на претпазливост

13 јуни 2026

• од Темелко Тошев

Жители на скопската населба Аеродром алармираат за зачестени инциденти со гаврани, чавки и други птици во непосредна близина на градинката „Лале“. Според сведоштвата на граѓаните, во изминатиот период биле забележани повеќе напади врз минувачи и домашни миленици, што предизвика страв и загриженост кај локалното население.

Дете завршило во болница поради напад од птица

Повод за најновите реакции и барања за интервенција е алармантна објава на социјалните мрежи, во која се тврди дека мало дете било нападнато од птица, при што поради здобиените повреди морало да биде пренесено во болница.

„Сериозен проблем со птици (чавки, гаврани) кои напаѓаат луѓе и животни во околината на градинка „Лале“ во Аеродром. Вчера мало дете нападнато и исколвано, заврши во болница. Ве молам да го решите проблемов, не е безбедно движењето во тој дел“, се вели во објавата на загрижен граѓанин.

Случајот предизвика лавина реакции меѓу жителите на Аеродром. Тие бараат надлежните институции итно да излезат на терен и да ја проценат безбедносната состојба, особено поради фактот што инцидентите се случуваат во близина на градинка каде секојдневно се движат и престојуваат голем број мали деца.

„Анима Мунди“: Тоа е природен инстинкт, птиците ги штитат своите бебиња

По повод настанот, се огласија и од здружението за заштита на животните „Анима Мунди“. Оттаму ја смируваат јавноста, посочувајќи дека ваквото однесување на гавраните и сродните птици е сосема вообичаено за периодот од мај до јули.

Ова е време кога птиците имаат младенчиња, па нивното однесување е водено исклучиво од инстинктот да ги одбранат своите гнезда.

„Во овој период многу гаврани имаат мали птичиња и природно го бранат своето гнездо. Понекогаш може да се случи да се доближат премногу до луѓе и миленици, особено ако поминувате блиску до дрво каде што има младенчиња. Ова не значи дека се лоши или агресивни животни. Тие се многу интелигентни и само ги штитат своите бебиња, исто како што би направило секое животно“, појаснуваат од „Анима Мунди“.

Препораки за безбедно движење

За да се избегнат несакани инциденти, од здружението споделуваат неколку корисни совети за граѓаните кои се движат низ критичните локации:

Не се задржувајте под крошните: Избегнувајте стоење или одмарање под дрвја каде забележувате дека птиците кружат или гласно реагираат (гракаат).
Движете се смирено: Доколку птица почне да лета ниско околу вас, не паничете и не мавтајте со рацете. Мирно и без нагли движења оддалечете се од местото.
Не ги вознемирувајте: Не обидувајте се да ги бркате или да фрлате предмети кон гнездата, бидејќи тоа само ќе ја зголеми нивната заштитничка реакција.

Експертите нагласуваат дека ваквата состојба е привремена и најчесто трае само неколку недели, односно додека младенчињата не зајакнат и трајно не го напуштат гнездото.

До овој момент, нема официјална потврда од надлежните институции и служби дали ќе бидат преземени дополнителни мерки за обезбедување на реонот околу градинката „Лале“.