Албанска лига: И преку Светското првенство се потиснува албанскиот јазик и се промовира „српскиот свет“

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Албанска лига: И преку Светското првенство се потиснува албанскиот јазик и се промовира „српскиот свет“

13 јуни 2026

• од Темелко Тошев

Актуелната влада го користи дури и спортот и најголемиот спортски настан, Светското првенство во фудбал, за да го потисне албанскиот јазик и да го фаворизира „српскиот свет“, се вели во најновото соопштение на партијата Албанска лига (Lidhja Shqiptare), предводена од Зијадин Села.

Во партиската реакција се посочува дека за првпат јавниот радиодифузен сервис (МРТ) не успеал да ги обезбеди правата за пренос на мундијалот, а овие права годинава ги откупила „Арена Спорт“, која во соопштението се опишува како „српска платформа блиска до Вучиќ“.

„Покрај огромните профити што ќе ги има оваа платформа, бидејќи натпреварите ќе можат да се следат само со дополнително плаќање преку кабелските оператори, ова ќе биде и првпат по две децении граѓаните на државата да зависат директно од една српска платформа“, се истакнува во соопштението на Албанската лига.

Од партијата додаваат дека со цел да се камуфлира ваквата ситуација пред македонските граѓани, на каналите на „Арена Спорт“ е обезбедено коментирање на натпреварите на македонски јазик, но дека телевизијата не нашла за сходно да ангажира и коментатори на албански јазик.

Според лидерот на партијата, Зијадин Села, ова отсуство на албански коментатори не претставува технички пропуст, туку намерен политички потег.

„Ова не е технички проблем, туку дејствие кое е во насока на континуираното потиснување на јазичните права од страна на Владата. Дури и преку овој настан, кој по својата природа треба да обединува јазици и култури, Владата преку 'српскиот свет', чиј дел е и самата, го дискриминира албанскиот јазик“, заклучуваат од Албанската лига.