Уапсија шест златни деца кои ја работеле нивната работа: Јанаки Митровски во одбрана на битолските ловци на педофили

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Уапсија шест златни деца кои ја работеле нивната работа: Јанаки Митровски во одбрана на битолските ловци на педофили

01 јуни 2026

• од Темелко Тошев

Познатиот адвокат Јанаки Митровски упати остри критики до органите на редот и побара итно ослободување на шестмината млади битолчани, кои беа приведени откако преку лажен профил на социјалните мрежи ловеле потенцијални педофили. Според Митровски, овие млади момчиња само ја вршеле работата што всушност треба да ја работи полицијата.

Случајот кој деновиве ја бранува македонската јавност се однесува на група млади лица од Битола (од кои најстариот има 22 години, а еден е малолетник), кои креирале лажен профил претставувајќи се како 14-годишно девојче со цел да разоткријат педофили. Наместо награда за нивната граѓанска иницијатива, тие заработија пријави од полицијата, потег кој предизвика лавина реакции на социјалните мрежи.

Преку својот Фејсбук профил, адвокатот Митровски јавно застана во одбрана на момчињата и направи правна анализа на кривичните дела за кои тие се товарат, нарекувајќи ги апсурдни.

„Битолската полиција уапсила шест златни деца од Битола кои, види богати, ја работеле нивната работа. Креирале лажен профил на 14-годишно девојче и ловеле педофили“, пишува Митровски во својата објава.

Тој жестоко реагира на квалификацијата на делата од страна на полицијата и детално ги оспорува:

Насилство: Адвокатот посочува дека ова дело допрва треба да се докаже.
Злоупотреба на лични податоци: Прашува кој е оштетен во случајот и чии точно лични податоци се злоупотребени.
Неовластено снимање: Митровски појаснува дека вакво дело не постои освен ако извршителот не е државен службеник, орган или безбедносна служба, или ако снимањето не е направено на јавен простор.
Самовластие: Иронично прашува кое е тоа свое право што овие момчиња самовласно си го прибавувале.

Наместо кривични пријави, Митровски смета дека битолската полиција би требало да ги „части“ овие деца за нивниот потфат. На крајот од својата реакција, тој поентира на еден клучен пропуст од страна на институциите:

„Не чувме само за кој педофил пуштија пријава. Јаз’к! СЛОБОДА ЗА ДЕЦАТА!“, порача адвокатот, апелирајќи фокусот на истрагата да се насочи кон вистинските виновници во општеството.