СДСМ: „Мој ДДВ“ не работи затоа што нема пари во буџетот – граѓаните не можат да си ги вратат парите

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

СДСМ: „Мој ДДВ“ не работи затоа што нема пари во буџетот – граѓаните не можат да си ги вратат парите

14 јуни 2026

• од Темелко Тошев

Опозициската партија СДСМ преку писмено соопштение до јавноста реагираше на проблемите со апликацијата „Мој ДДВ“, обвинувајќи дека нејзината нефункционалност не е технички проблем, туку директна последица на празната државна каса.

Според партијата, апликацијата е нефункционална веќе пет дена по ред. И покрај официјалните најави дека системот е повторно ставен во функција, од СДСМ тврдат дека граѓаните и натаму се соочуваат со низа проблеми и не можат да ги скенираат своите фискални сметки во период кога тоа најмасовно го прават.

„Ова не е случајно. Ова е директна последица од празната државна каса. Кога нема пари во буџетот, државата нема ниту намера да им ги врати парите на граѓаните“, се наведува во партиското соопштение.

Од СДСМ ја обвинуваат актуелната власт дека преку неработењето на системот, Владата едноставно се обидува да избегне исплата на делот од данокот на додадена вредност што законски треба да им се врати на граѓаните.

Тие упатија остри критики кон премиерот и Владата, посочувајќи дека наместо да се грижат за граѓаните и да обезбедат нормално функционирање на институциите, ја довеле државата во ситуација да бидат блокирани дури и најосновните услуги.

„Наместо реформи и одговорно управување со јавните финансии, добиваме нефункционални системи и празни ветувања. Граѓаните плаќаат ДДВ, но сега и тоа што им припаѓа назад – нема да го добијат“, додаваат од партијата.

СДСМ го оценува овој случај како дел од поширока политика која, според нив, ја води земјата кон економски колапс. Во соопштението се заклучува дека кога јавните средства се трошат на клиентелизам и корупција, системот целосно откажува – од економијата до секојдневните услуги за граѓаните, со порака дека е „доста со прикривање на вистината“.