СДСМ со две остри реакции: Мицкоски ја претставува Македонија како економски тигар, граѓаните тоа не го гледаат

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

СДСМ со две остри реакции: Мицкоски ја претставува Македонија како економски тигар, граѓаните тоа не го гледаат

13 септември 2026

• од Темелко Тошев

Опозициската СДСМ денеска излезе со две остри реакции во кои жестоко ги критикува економските политики на владата предводена од Христијан Мицкоски, обвинувајќи го премиерот дека живее во паралелна реалност и креира лажна слика за состојбата во државата.

Според партијата, додека Мицкоски и министрите од ВМРО-ДПМНЕ преку скап ПР се обидуваат да ја претстават Македонија како нов „економски тигар“ на Балканот, реалноста со која се соочуваат обичните граѓани е сосема поинаква и крајно загрижувачка.

„Празните фалби за наводни историски успеси, странски инвестиции и економски раст паѓаат во вода секој пат кога граѓаните ќе влезат во маркет или ќе ги добијат сметките за струја. Народот не гледа никаков економски бум, туку гледа како нивниот животен стандард секојдневно тоне под товарот на скапотијата. Економскиот тигар постои само во главата на Мицкоски, додека фрижидерите на граѓаните се сè попразни“, велат од СДСМ во првата реакција.

Во второто соопштение, од „Бихаќка“ дополнително потенцираат дека работниците, младите и пензионерите се најголемите жртви на, како што велат, неспособноста на економскиот тим на Владата. Тие потсетуваат на предизборните ветувања на владејачката партија, кои според нив, останале само мртво слово на хартија.

„Ветуваа брда и долини, зголемување на стандардот и намалување на цените, а испорачаа само стагнација и задолжувања. Платите не го следат растот на трошоците за живот, а куповната моќ на македонското семејство е драстично опадната. Наместо вистински мерки за помош на стопанството и граѓаните, секојдневно слушаме само бајки за економски чуда кои постојат единствено на прес-конференциите на премиерот“, се додава во партиското соопштение на социјалдемократите.

Од СДСМ порачуваат Владата под итно да престане со медиумските манипулации и да се симне меѓу народот за да ја види вистинската слика за економијата во која граѓаните едвај врзуваат крај со крај.