ЕУ со силен интерес за Коридор 8: Николоски вели дека станува збор за еден од клучните безбедносни правци на НАТО

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

ЕУ со силен интерес за Коридор 8: Николоски вели дека станува збор за еден од клучните безбедносни правци на НАТО

26 април 2026

• од Никола Трајковски

Европската Унија покажува голем интерес за развојот на Коридор 8, кој според вицепремиерот и министер за транспорт Александар Николоски е препознаен како еден од најзначајните безбедносни коридори во рамки на НАТО Алијансата.

Николоски истакна дека Коридор 8 добива особено значење во актуелните глобални безбедносни и економски околности, бидејќи го поврзува Јадранското со Црното Море и се протега од Италија, преку Драч, Тирана, Охридското Езеро, Скопје, Деве Баир, Софија, Бургас и Варна, со продолжување кон Одеса.

„Европската Унија е многу заинтересирана за паневропските коридори. Го прогласија Коридор 8 за втор најзначаен безбедносен коридор во НАТО Алијансата, затоа што почнува во Италија, преку Драч, Тирана, Охридското Езеро, Скопје, Деве Баир, Софија, Бургас и Варна и завршува во Одеса, и е многу значаен во овие глобални случувања“, изјави Николоски.

Според него, Северна Македонија има исклучително поволна географска позиција, бидејќи низ земјата минуваат и се вкрстуваат важни европски транспортни правци. Тој посочи дека двата паневропски коридори се сечат источно од Скопје, додека Коридорот 4 минува паралелно преку Бугарија.

„Имаме уникатна положба и се обидуваме да ја искористиме. Оваа географска позиција сакаме да ја искористиме за да донесе економски бенефит и подобар живот за граѓаните“, нагласи Николоски.

Коридор 8, кој традиционално се поврзува со правецот Драч–Тирана–Скопје–Софија–Бургас–Варна, претставува еден од главните паневропски транспортни коридори и вклучува патна и железничка инфраструктура. Неговото значење во последните години се зголемува и поради потребата од посилно регионално поврзување, побрз транспорт на стоки и подобра стратешка мобилност меѓу земјите од Југоисточна Европа.

Владата очекува развојот на Коридор 8 да донесе поголема економска активност, нови инвестиции и подобра поврзаност на Северна Македонија со пристаништата на Јадранското и Црното Море.