26 април 2026
• од Темелко Тошев
Тежок инцидент ја потресе скопската населба Аеродром откако 10-годишно дете пријавило недолично и вознемирувачко однесување од вработен во познат угостителски објект кој во својот состав има и детска игротека.
Според информациите објавени од порталот „А1он“, инцидентот се случил кога детето, кое престојувало во игротеката, отишло само до шанкот за да побара вода. Во тој момент, келнерот започнал комуникација која брзо прераснала во сценарио од кошмарите за секој родител.
Осомничениот вработен наводно го прегрнал детето и му упатил експлицитни барања со сексуална природа. Како што се наведува во пријавата:
Детето веднаш побегнало кај својот родител кој бил во непосредна близина, по што случајот е пријавен во полицијата и во Јавното обвинителство. Родителот тврди дека детето без двоумење го идентификувало сторителот.
„По прегледувањето на безбедносните камери, јасно се гледа физичкиот контакт помеѓу вработениот и детето“, тврдат родителите за „А1он“.
Особено загрижувачки е фактот што, според изјавата на родителот, осомничениот признал дека имало комуникација, но се бранел со тврдењето дека сето тоа било само „шега“. Сепак, ваквото објаснување не ја намалува сериозноста на делото ниту траумата кај жртвата.
Детето веќе е однесено на разговор кај психолог, каде се потврдени знаци на зголемена анксиозност и претрпена траума.
Родителите јавно апелираат до сите граѓани за поголема внимателност и постојан надзор над децата, дури и во места кои се сметаат за „безбедни“ како игротеките. Тие бараат од институциите итно и целосно расчистување на случајот и најстрога казна за сторителот согласно законите.
Овој случај ја отвора и дилемата за безбедносните протоколи во објектите каде што престојуваат деца и начинот на кој се врши селекција на кадарот кој има пристап до најмладите.
Ненадминливи Понуди Дневно
4.8 (10276 рецензии)
Заштедете 152.00 ден

