26 април 2026
• од Темелко Тошев
Високиот претставник на Движењето „Арбериа“, г-дин Беким Фазлиу, упати остра и иронична реакција по повод неодамнешниот „гаф“ на шефот на албанската дипломатија, г-дин Ферит Хоџа, во врска со Албанците во Северна Македонија.
Во својата објава на социјалните мрежи, Фазлиу ја коментира употребата на недоличен јазик во дипломатските кругови, нарекувајќи го овој феномен „албанска вакија“ (албанска работа).
Фазлиу со доза на сарказм забележува дека термините кои обично се користат во блиски, приватни релации, сега добиваат официјален статус.
„Од вчера научивме дека ’идиот‘ е дел од албанскиот дипломатски речник. Дури и некои аналитичари ни ги влечат ушите затоа што не сме го знаеле ’новиот стандард‘ во албанската дипломатија“, пишува Фазлиу.
Тој понатаму прави паралела со секојдневниот говор и политичката историја на Албанците, потсетувајќи на случаи каде навредите се претставуваат како изрази на блискост или симпатија.
За крај, претставникот на Движењето „Арбериа“ ги повикува граѓаните да не се нервираат, туку на овие навреди да гледаат „спортски“ и да одговорат во духот на традицијата.
„Не се нервирајте залудно. Сфатете го ова спортски. И вратете им како што налага традицијата: ’Ние ве сакаме повеќе... о ИДИОТИ!‘“ – заклучува Беким Фазлиу во својата реакција.
Овој скандал предизвика бројни дебати во јавноста, отворајќи го прашањето за нивото на комуникација меѓу официјална Тирана и Албанците во регионот.
Ненадминливи Понуди Дневно
4.8 (10276 рецензии)
Заштедете 152.00 ден

