Судот ги достави сите документи: Екстрадицијата на криминалецот Груевски во рацете на Будимпешта

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Судот ги достави сите документи: Екстрадицијата на криминалецот Груевски во рацете на Будимпешта

02 мај 2026

• од Гоце Кически

Сите документи потребни за екстрадицијата на поранешниот премиер Никола Груевски се веќе доставени до Министерството за правда, потврдуваат од Кривичниот суд за телевизија Телма.

Од судот велат дека, по барање на Министерството за правда, биле доставени и дополнителни информации за сите евентуални промени што би можеле да влијаат врз постапката за екстрадиција. Надлежните институции, според информациите, ги обезбедиле сите потребни одговори.

Министерот за правда Игор Филков неодамна изјави дека во моментов се чека формирањето на новата влада во Унгарија, по што македонските власти ќе ги известат тамошните институции за обновениот интерес за враќање на Груевски во земјава. Конститурањето на новата унгарска влада се очекува на 9 мај, Денот на Европа.

Политичките промени во Унгарија дополнително ја актуелизираа темата. По падот на Виктор Орбан, победникот на изборите Петер Маѓар најави можна ревизија на одлуката за доделениот азил на Груевски, што отвора простор за негова евентуална екстрадиција.

Груевски избега во Унгарија во ноември 2018 година, каде доби политички азил. Македонија досега поднесе едно официјално барање за екстрадиција во 2018 година, како и негово дополнување во 2019, но унгарските власти го одбија повикувајќи се на законските одредби според кои лице со одобрен азил не може да биде екстрадирано во земјата од која избегало.

Во меѓувреме, против поранешниот премиер во Кривичниот суд во Скопје се донесени три пресуди. Во предметот „Тенк“, поврзан со набавката на блиндиран „Мерцедес“, извршувањето на казната е веќе застарено. За случајот „Шамари во Центар“ има активна казна затвор од една и пол година, која застарува во септември наредната година. Највисоката казна, девет години затвор, е изречена за перење пари во предметот „Плацеви на Водно“, со рок на застарување во 2043 година.

Двете последни пресуди се донесени во отсуство, што значи дека доколку Груевски биде екстрадиран, тој би можел да побара повторување на судските постапки. Такво барање може да се поднесе доколку обвинетиот не бил запознаен со пресудите, или како услов поставен од државата која ја одобрува екстрадицијата.

Дополнително, според извори од судот, спорно било прашањето дали Груевски бил информиран за пресудата во случајот „Плацеви на Водно“, со оглед на тоа што наводно дал полномошно на адвокат за жалба пред Врховниот суд. Сепак, увидот во судските списи покажал дека вакво полномошно не било пронајдено.

Инаку, во првичната меѓународна потерница Груевски се бараше за 30-дневен притвор во врска со истрагата за настаните во Собранието на 27 април 2017 година, како наводен организатор. Во меѓувреме, потерницата е изменета, па тој сега се бара како осудено лице со правосилни затворски казни.