СДСМ бара истрага за кредитите и врските со Унгарија по политичките промени во Будимпешта

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

СДСМ бара истрага за кредитите и врските со Унгарија по политичките промени во Будимпешта

02 мај 2026

• од Гоце Кически

СДСМ денеска на прес-конференција обвини за потенцијални финансиски неправилности поврзани со заемите и меѓудржавните договори со Унгарија, повикувајќи на итна истрага од надлежните институции.

Портпаролката на партијата, Богданка Кузеска, изјави дека по политичките промени во Унгарија и поразот на поранешниот премиер Виктор Орбан, започнало „разоткривање на бизнис мрежи“ кои, според неа, имаат директни импликации и во Северна Македонија.

„Со доаѓањето на новиот премиер Петер Маѓар, најавено е преиспитување на скапите меѓународни договори, особено оние поврзани со кинески кредити. Тоа директно ги засега и македонските граѓани“, истакна Кузеска.

Унгарија откри нови детали за кинески заем од 1 милијарда евра по изборниот пораз на Орбан

Од СДСМ тврдат дека актуелниот премиер Христијан Мицкоски и неговата партија ВМРО-ДПМНЕ биле „најблиски партнери“ на Орбан на Балканот, посочувајќи на договор за заем од една милијарда евра склучен меѓу двете влади.

Како дополнителен аргумент, Кузеска се повика на извештај на Блумберг, според кој Унгарија објавила нови детали за кредит од ист износ земен од кинески банки во 2024 година. Средствата, како што беше наведено, потекнувале од China Development Bank, Export-Import Bank of China и локалната филијала на Bank of China.

Според СДСМ, дел од трошоците поврзани со овие заеми биле сокриени, вклучително и камати и еднократни надоместоци. Партијата тврди дека слични нерегуларности постојат и во македонскиот случај, наведувајќи дека над еден милион евра биле исплатени за „договорни услуги“, без јасно објаснување за нивната намена.

„Сè уште не се знае каде завршиле овие пари, освен дека товарот ќе падне врз граѓаните“, рече Кузеска.

Од партијата додаваат дека наводите за перење пари, контрола на медиуми и корупција, кои се истражуваат во Унгарија, „се пресликуваат и во Македонија“.

СДСМ го повика Јавното обвинителство да отвори истрага и да ги испита сите аспекти на договорите и финансиските текови поврзани со овие кредити.