СДСМ: Мицкоски подготвува алиби за неуспехот во реформите и евроинтеграциите

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

СДСМ: Мицкоски подготвува алиби за неуспехот во реформите и евроинтеграциите

02 мај 2026

• од Гоце Кически

СДСМ остро реагира на изјавите на лидерот на ВМРО-ДПМНЕ, Христијан Мицкоски, обвинувајќи го дека однапред подготвува алиби за очекуваниот неуспех во спроведувањето на реформите и напредокот кон Европската унија.

На прес-конференција, членката на Извршниот одбор на Социјалдемократски сојуз на Македонија, Наташа Поповиќ, изјави дека најавите на Мицкоски за наводна „блокада“ на Изборниот законик од страна на СДСМ претставуваат „класична лага“ и дел од веќе препознатлива политичка стратегија.

Унгарија откри нови детали за кинески заем од 1 милијарда евра по изборниот пораз на Орбан

„Кога во јуни ќе стане јасно дека нема никаков напредок во реформите, Мицкоски ќе се обиде вината да ја префрли врз СДСМ. Но вистината е дека ВМРО-ДПМНЕ има апсолутно мнозинство во Собранието и може самостојно да носи закони“, истакна Поповиќ.

Од СДСМ потсетуваат дека владејачкото мнозинство веќе донело одлуки без консензус, вклучително и укинувањето на техничката влада, па затоа, како што велат, нема пречка истото да го направи и со Изборниот законик.

„Не им треба СДСМ за носење закони – им треба изговор за сопствениот неуспех“, нагласи Поповиќ.

Во однос на европската интеграција, СДСМ го обвини Мицкоски дека не ги исполнува клучните обврски. Според партијата, владата нема да ги внесе малцинствата во Уставот, ниту ќе ги реализира осумте реформски точки неопходни за напредок кон ЕУ.

Дополнително, од СДСМ посочуваат на, како што велат, продлабочување на проблемите со криминалот, корупцијата, партизацијата на институциите и влијанието врз судството и медиумите.

„Мицкоски ветуваше дека Македонија ќе биде ‘рамо до рамо со Црна Гора’, но уште сега подготвува оправдувања зошто тоа нема да се случи“, велат од партијата.

СДСМ оцени дека станува збор за континуитет на, како што наведуваат, „матрица на лаги“, потсетувајќи на претходни изјави на Мицкоски поврзани со Преспанскиот договор и економските ветувања.

„СДСМ нема да дозволи да биде вовлечен во сценарио на алиби и манипулации. Граѓаните јасно гледаат кој ја блокира државата на патот кон Европа“, порача Поповиќ.