Се истражува дом за стари лица во Скопје: пријави за тепање, изнудување пари, брзи кредити и оскудна храна

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Се истражува дом за стари лица во Скопје: пријави за тепање, изнудување пари, брзи кредити и оскудна храна

05 октомври 2026

• од Гоце Кически

Повеќе институции истражуваат дом за стари лица во Скопје по сериозни пријави за наводно изнудување пари, нехуман однос кон корисниците и недоволна храна. Министерството за социјална политика потврди дека е извршен вонреден инспекциски надзор и дека се вклучени повеќе надлежни служби.

„Слободен печат“ објави дека поранешна социјална работничка од домот пријавила повеќе неправилности, меѓу кои ангажирање лица без соодветна лиценца, навреди и закани кон вработени, како и несоодветен однос кон старите лица. Во пријавата, според весникот, се наведуваат и тврдења за физичко насилство, одбивање да се повика брза помош и заплашување на корисници.

Поранешен корисник на домот за „Слободен печат“ изјавил дека медицинска сестра го убедила да подигне брз кредит од 35.000 денари и да ѝ ги даде парите. Тој тврди дека поради тоа останал во долгови, а од неговиот имот исчезнал и златен прстен. Според неговото сведочење, за одредени посети на лекар и стоматолог од корисниците наводно биле барани дополнителни пари во готово.

Од Министерството за социјална политика соопштиле дека по инспекцискиот надзор биле преземени мерки и биле известени полицијата, Финансиската полиција и други инспекциски служби. Воедно се преиспитува и дозволата за работа на установата.

Случајот доаѓа една година откако Обвинителството во Скопје отвори истрага против одговорни лица во два други приватни дома за стари лица поради сомневања за работа над дозволениот капацитет, недостиг од стручен кадар, несоодветни услови и физичко и психичко насилство врз корисници.