СДСМ: Мицкоски ветуваше подобра рамка со ЕУ, но досега не обезбеди промена на условите

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

СДСМ: Мицкоски ветуваше подобра рамка со ЕУ, но досега не обезбеди промена на условите

04 октомври 2026

• од Гоце Кически

СДСМ го обвини премиерот Христијан Мицкоски дека по две и пол години на власт не успеал да обезбеди подобри услови за продолжување на европскиот пат, иако претходно најавувал промена на преговарачката рамка и дополнителни гаранции.

Од опозициската партија велат дека Мицкоски пред доаѓањето на власт најавувал поинаква политика кон европските интеграции, Преспанскиот договор и преговарачката рамка, но дека досега нема промена на условите за продолжување на процесот.

„Ветуваше подобри услови, а за две и пол години не успеа ништо. Никаде ги нема. Нема гаранции. Нема нова преговарачка рамка“, соопшти СДСМ.

Партијата реагира и на изјавата на Мицкоски дека не е задоволен од пораките што ги добил при посетата на претседателката на Европската комисија, Урсула фон дер Лајен. Според СДСМ, пораките од Брисел покажуваат дека обврските за продолжување на европскиот процес остануваат, додека македонскиот идентитет и јазик не се доведуваат во прашање.

СДСМ го поврзува незадоволството на Мицкоски со фактот што, според партијата, не успеал да обезбеди промена на европските услови што ја најавувал пред доаѓањето на власт.

„Прашањето е што ќе прави сега Мицкоски? Избори, за да избега од следниот чекор? Или нова лага, нови анти-ЕУ кампањи?“, прашуваат од СДСМ.

Од партијата додаваат дека членството во Европската Унија треба да остане национален приоритет и бараат од Мицкоски да каже како Владата планира да го продолжи евроинтегративниот процес.