СДСМ: Власта на Мицкоски донесе поскапувања, долгови и застој кон ЕУ

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

СДСМ: Власта на Мицкоски донесе поскапувања, долгови и застој кон ЕУ

05 октомври 2026

• од Стефан Николов

СДСМ ја обвини Владата предводена од Христијан Мицкоски дека во изминатите две и пол години го влошила животниот стандард, го зголемила задолжувањето и го блокирала европскиот пат на Македонија.

Од опозициската партија тврдат дека милиони евра од државниот буџет се трошат преку спорни тендери, додека граѓаните се соочуваат со високи цени и ниски приходи. Како проблеми ги посочуваат и состојбите во енергетиката, најавите за нови рудници и, според нив, слабите резултати кај странските инвестиции.

СДСМ наведува дека потрошувачката кошничка за семејство со изнајмен стан надминала 90.000 денари, додека горивата поскапеле над 100 денари за литар. Партијата ја критикува Владата и поради состојбата во земјоделството, пензискиот систем и зголеменото задолжување, за кое тврди дека за две и пол години пораснало за околу четири милијарди евра.

Во соопштението се наведува и дека европската интеграција е во застој. СДСМ тврди дека македонскиот идентитет, јазик и култура се зачувани, но ја обвинува Владата дека со недостиг од реформи ја оддалечува земјата од Европската Унија.

Според СДСМ, резултатот од досегашното владеење на Мицкоски е понизок животен стандард, поголеми долгови, економска неизвесност и продолжување на иселувањето на младите.