Марта Кос со јасна порака: Внесувањето на Бугарите во Уставот е договорен услов меѓу РСМ и 27-те земји од ЕУ

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Марта Кос со јасна порака: Внесувањето на Бугарите во Уставот е договорен услов меѓу РСМ и 27-те земји од ЕУ

17 септември 2026

• од Темелко Тошев

Новата еврокомесарка за проширување, Марта Кос, испрати децидна порака во врска со иднината на евроинтегративниот пат на Северна Македонија, нагласувајќи дека земјата мора да ги спроведе бараните уставни измени. Внесувањето на бугарското малцинство во македонскиот Устав останува главен и неопходен услов за отворање на поглавјата и продолжување на преговарачкиот процес со Европската Унија.

Во своето најново интервју за бугарската национална телевизија „БНТ“, Кос се осврна на предизвиците со кои се соочува проширувањето на Унијата кон Западен Балкан, со посебен фокус на македонско-бугарските односи. Таа потсети дека обврската за уставни измени не е само билатерално прашање, туку официјален услов кој е цврсто договорен меѓу Северна Македонија и сите 27 земји-членки на Европската Унија, како дел од преговарачката рамка.

На новинарско прашање за тоа какви механизми би можеле да се искористат за да се влијае врз официјално Скопје конечно да ги изгласа уставните измени, еврокомесарка Кос изрази дипломатски оптимизам. Таа истакна дека решението го гледа во политичкиот дијалог и во стабилизацијата на политичката сцена во регионот.

„Верувам дека со формирањето на новата влада во Бугарија, ќе се создаде позитивна клима и ќе се најде соодветен начин процесот за Северна Македонија да биде одблокиран и да продолжи напред,“ истакна Кос во интервјуто.

Нејзината изјава доаѓа во клучен период за европските интеграции на регионот, потврдувајќи го ставот на Брисел дека преземените обврски од меѓународните договори мора да се почитуваат за да се оствари напредок на патот кон полноправно членство во европското семејство.