ДУИ обвинува: Министерот Алиу промовираше натпис во ИЈЗ само на македонски, власта го гази Законот за јазиците

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

ДУИ обвинува: Министерот Алиу промовираше натпис во ИЈЗ само на македонски, власта го гази Законот за јазиците

10 јуни 2026

• од Темелко Тошев

Демократската унија за интеграција (ДУИ) денеска упати остри критики до актуелната власт, изразувајќи длабока загриженост поради, како што велат, флагрантното кршење на Законот за употреба на јазиците од страна на „Владата без етнички легитимитет“.

Повод за реакцијата на опозициската партија е вчерашниот настан при кој министерот за здравство, Азир Алиу, промовираше натпис во рамките на еден од одделите на Институтот за јавно здравје (ИЈЗ), кој според ДУИ, бил испишан исклучиво на македонски јазик.

Од партијата посочуваат дека овој чин претставува јасен доказ за потценувањето на албанскиот јазик и за грубо прекршување на важечките законски прописи.

„Иронично, во истата институција, за време на владеењето на Демократската унија за интеграција, натписите беа поставени на два јазика, во согласност со законот и со духот на институционалната еднаквост. Преку приложените фотографии, јавноста може јасно да ја види разликата: како е сега под оваа влада и како беше во периодот кога ДУИ се грижеше за спроведувањето на законот и почитувањето на албанскиот јазик во јавните институции“, се наведува во партиското соопштение.

ДУИ во својата реакција потсетува дека Законот за употреба на јазиците е дециден и задолжителен, наложувајќи натписите во јавните институции да бидат и на албански јазик.

Истовремено, од партијата упатија и директна прозивка до албанските претставници во актуелниот владин состав.

„Затоа јавно прашуваме: што уште треба да се случи за албанските вазали во Владата да престанат да аплаудираат и да реагираат? Колку пати треба да се прекрши правото на употреба на албанскиот јазик за тие да сфатат дека нивното молчење претставува соучесништво?“, стои во реакцијата на интегративците.

На крајот од соопштението, Демократската унија за интеграција порачува дека ќе продолжи безкомпромисно да ја осудува секоја намера за деградирање на правата на Албанците и секое прекршување на законите што ја гарантираат јазичната еднаквост во државата.