Сериозни пропусти во Албанскиот театар: ДЗР лоцираше недвижности без имотен лист и хаос во трошењето

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Сериозни пропусти во Албанскиот театар: ДЗР лоцираше недвижности без имотен лист и хаос во трошењето

09 јуни 2026

• од Темелко Тошев

Државниот завод за ревизија (ДЗР) изрази неповолно мислење за реалноста и објективноста на финансиските извештаи на Националната установа Албански театар – Скопје за 2024 година. Кога станува збор за усогласеноста со законската регулатива, упатствата и воспоставените политики, ревизорите дадоа мислење со резерва, лоцирајќи низа системски пропусти во работењето.

Ревизијата на сметката на основниот буџет откри сериозни слабости во финансиското работење и управувањето со средствата на оваа културна институција.

Имот без акти за сопственост и хаос со пописот

Еден од најсериозните проблеми лоциран во извештајот е начинот на кој театарот менаџира со својот имот. Констатиран е нерегулиран начин на користење на недвижни и движни ствари, како и:

Градежни објекти се евидентирани без обезбеден акт за сопственост (имотен лист).
Дел од материјалните средства и понатаму се водат како „средства во подготовка“, иако за нив веќе има обезбедено одобрение за употреба.
Утврдени се сериозни слабости во процесот на попис на средствата и изворите на средства.
Воопшто не е воспоставена материјална евиденција за материјалните средства.

Плаќање стари долгови „на црно“ и слаба контрола

Ревизорите откриле дека раководството на театарот намирувало обврски за проекти од претходни години, иако за нив не биле предвидени средства во тековниот Годишен план за работа.

Дополнително, лоцирани се недостатоци во постапките за набавка, прием и задолжување со материјали и ситен инвентар, како и слабости во евидентирањето на полното работно време на вработените.

Пропусти во системот на внатрешни контроли: Институцијата нема донесено интерни процедури за клучните процеси. Работното место „Раководител на единицата за финансиски прашања“ воопшто не е систематизирано, а не се назначени ниту лица кои би вршеле задолжителна ex-ante (претходна) и ex-post (накнадна) финансиска контрола.

Театарот работи со некомплетен Управен одбор

Во делот „Нагласување на прашања“, ДЗР алармира и за организациски проблеми кои влијаат врз легитимитетот на одлуките:

Управниот одбор функционира без законски утврдениот број членови.
Постојат нерешени прашања поврзани со систематизацијата на работните места.
Се нотираат проблеми со користењето на паркинг-просторот наменет за публиката.
Против установата се водат и неколку тековни судски постапки.

Менаџментот нема забелешки на извештајот

Од Државниот завод за ревизија информираат дека испорачале јасни препораки со цел да се надминат овие состојби и да се подобри работењето на театарот.

Од страна на НУ Албански театар – Скопје веќе е доставен официјален допис до ДЗР, во кој одговорното лице известило дека нема никакви забелешки по однос на Нацрт-извештајот на овластениот државен ревизор, со што практично се прифаќаат сите лоцирани неправилности.