Една година затвор за Стевчо Јакимовски за изградбата на општинската зграда во Карпош

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Една година затвор за Стевчо Јакимовски за изградбата на општинската зграда во Карпош

09 јуни 2026

• од Темелко Тошев

Апелациониот суд Скопје делумно ја потврди првостепената пресуда, со што поранешниот градоначалник на општина Карпош, Стевчо Јакимовски, е правосилно осуден на една година затвор за кривичното дело „Бесправно градење“. Дел од предметот кој се однесува на злоупотреба на службената положба се враќа на повторно судење.

Апелација донесе пресуда (КОКЖ бр. 110/25) постапувајќи по жалбите на обвинетите и на надлежниот Јавен обвинител. Случајот се однесува на нерегуларностите при изградбата на новата општинска зграда во Карпош, каде што обвинети се поранешниот градоначалник С.Ј. и лицето Т.Ѓ.

Потврдена затворска казна и пресметка на притворот

За кривичното дело „Бесправно градење“ (чл. 244-а ст.1 од Кривичниот законик), Апелациониот суд целосно ја потврди затворската казна од 1 година за Јакимовски.

Според информациите од судот, во изречената казна ќе му биде пресметано и времето кое го помина во куќен притвор, односно периодот од 19 март 2019 година до 15 август 2019 година. Овој дел од пресудата ќе биде веднаш доставен до судија за извршување санкции за понатамошно постапување.

Дел од предметот се враќа од почеток

За останатиот дел од обвинението, судењето ќе започне одново:

Злоупотреба на службената положба: За кривичното дело „Злоупотреба на службена положба и овластување“ (од член 353), жалбата на обвинетиот е уважена. Овој дел од предметот се враќа на повторно судење. Делото е сторено во периодот од 2011 до 2017 година, а предвидената казна е од 3 до 5 години затвор. Според одредбите од Кривичниот законик, апсолутна застареност за ова дело настапува во 2027 година.
Укината условна казна за второобвинетиот: Жалбата била уважена и за второобвинетиот Т.Ѓ., за кого првостепениот суд претходно изрече условна осуда. Оваа одлука е укината и предметот за него е вратен на повторно постапување.

Нов судија ќе го води повтореното судење

Од Основниот кривичен суд Скопје појаснуваат дека укинатиот дел од предметот кој се враќа на повторно судење ќе биде распределен кај нов судија. Причината за ова е што судијата кој досега постапуваше по предметот повеќе не е дел од Одделот за организиран криминал и корупција.

Одлуката на Апелација ја донесе судечки совет во состав од судиите Лирие Елези Ајрулау, Габриела Гајдова и Бетим Јахја, додека како Виш јавен обвинител во овој случај постапуваше Фатиме Фетаи.