Бугарски медиуми објавија документи: Сопственикот на Канал 5, Емил Стоименов, има бугарски пасош

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Бугарски медиуми објавија документи: Сопственикот на Канал 5, Емил Стоименов, има бугарски пасош

09 јуни 2026

• од Темелко Тошев

Бугарскиот портал „Actualno.com“ објави документација со која тврди дека сопственикот на македонската телевизија Канал 5, Емил Стоименов, поседува бугарско државјанство од 29 јули 2020 година.

Иако вакви информации и претходно се појавуваа во јавноста, порталот сега тврди дека располага со комплетната преписка и документите од апликацијата на Стоименов, откривајќи интересни детали од прашалникот што тој лично го пополнувал при интервјуто за добивање бугарско државјанство.

Контраст меѓу уредничката политика и личните изјави

Објавените документи бугарскиот медиум ги става во контекст на уредничката политика на телевизијата, која во Бугарија често се перципира како антибугарска. Во текстот се потсетува дека Канал 5 беше спомената во Шестиот извештај на Европската комисија против расизам и нетолеранција (ЕКРИ) од јуни 2023 година, каде што беа нотирани примери за говор на омраза кон Бугарите во Северна Македонија.

Наспроти ова, во прашалникот за бугарско државјанство, на прашањето какви промени ќе настапат во неговиот живот по добивањето на пасошот, Стоименов своерачно напишал:

„Сакам да инвестирам во Бугарија. Моите деца ќе можат да учат и да работат во Бугарија.“

Уште поинтересен е неговиот одговор на прашањето како планира да придонесе за развојот на Бугарија, каде што тој навел дека тоа ќе го стори „со позитивен поглед кон бугарската држава“ – изјава која според бугарскиот медиум е во целосен контраст со содржините што се емитуваат на неговиот медиум.

„Два бугарски народа сме блиски“

Според објавеното, во образложението за тоа зошто бара државјанство, сопственикот на Канал 5 напишал: „Два бугарски народа сме блиски“, реченица кажана во контекст на неговото македонско потекло и желбата за добивање бугарски документ.

Како дополнителен мотив за апликацијата, Стоименов ги навел своите семејни корени:

„Имам корени во Бугарија од дедо ми, кој има медал за храброст од Бугарската армија.“

Станува збор за Алекса Стоименов, кој според историските податоци бил дел од илегална младинска група на ВМРО, поради што поминал 12 години во затвор, а подоцна дејствувал во рамките на Македонската патриотска организација (МПО) во Брисел. Во 2003 година, тој добил медал „100 години Илинденско-Преображенско востание“ од тогашниот бугарски претседател Георги Прванов, иако во неговата биографија се споменува и контроверзен момент од 1968 година, кога бил приведен за пренесување опијати.

Лицемерие на елитите?

Бугарскиот портал заклучува дека овој случај е уште еден доказ за, како што велат, „лицемерието на македонската елита“. Додека во јавноста и медиумите често се подгреваат тензии и се користи реторика против Бугарија, членови на бизнис и политичките елити зад затворени врати ги користат сите привилегии на бугарското државјанство и можноста за слободно патување и инвестирање во Европската Унија.