Штерјова алармира за непотизам во Противпожарната бригада: Ѓорѓиевски ги вдомил кумашинот и братучедот?

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Штерјова алармира за непотизам во Противпожарната бригада: Ѓорѓиевски ги вдомил кумашинот и братучедот?

09 јуни 2026

• од Темелко Тошев

Советничката од редовите на СДСМ во Советот на Град Скопје, Кети Штерјова, упати сериозни обвинувања за непотизам и партизација при последните вработувања во Противпожарната бригада, директно прозивајќи го градоначалникот за фаворизирање на блиски роднини и кумови.

Преку советничко прашање, Штерјова јавно побара одговори за критериумите по кои се избираат кадрите кои треба да се грижат за безбедноста на граѓаните, нагласувајќи дека во вакви клучни служби нема место за семејни и партиски врски.

„Пожарникари се станува со компетентност, а не со кумство“

Штерјова потсети на сериозните предизвици со кои Скопје и државата се соочуваа изминатите години за време на големите пожари, каде што секоја неефикасност на терен скапо се плаќаше. Според неа, токму затоа професионализмот мора да биде единствениот услов за влез во бригадата.

„Сведоци сме колку тешко изминатите години се справувавме со пожарите, затоа што токму неефикасноста излезе на површина, и затоа мора да се вработуваат исклучиво професионални и компетентни лица, а не кадри избрани по роднински, кумски или партиски критериуми“, изјави Штерјова.

Кои се лицата за кои се сомнева дека се вработени со врски?

Според информациите кои пристигнале до советничката група на СДСМ, на последниот оглас за пожарникари поминале лица кои се во директна врска со првиот човек на градот. Штерјова јавно ги соопшти и нивните имиња:

Сашо Милошевски – за кого постојат информации дека е кумашин на градоначалникот.
Николче Темелковски – за кого се тврди дека е негов братучед.

Град Скопје како „партиски штаб“

Штерјова упати остри критики за двојните стандарди, потсетувајќи дека во минатото сегашните градски власти биле најгласни во критикувањето на непотизмот, додека денес, како што вели, прават уште полошо.

„Во минатото бевте многу гласни и критички кога стануваше збор за непотизмот, а одеднаш Вие не само што не го искоренувате, туку и го унапредувате непотизмот. Се однесувате како Град Скопје да е Ваша своина и како сте тргнале ќе го претворите во партиски штаб”, заклучи Штерјова во своето излагање пред Советот.

Од опозицијата бараат итна завршница и расчистување на случајот, нагласувајќи дека јавниот интерес и безбедноста на скопјани не смеат да бидат заложници на приватни и роднински коалиции.