6 октомври 2026 – Зачнувањето на свети Јован Крстител: чудото што го најави доаѓањето на Христовиот Предвесник

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

ДРУГО

6 октомври 2026 – Зачнувањето на свети Јован Крстител: чудото што го најави доаѓањето на Христовиот Предвесник

06 октомври 2026

• од Гоце Кически

На 6 октомври Православната црква го одбележува Зачнувањето на свети Јован Крстител, празник посветен на Божјата милост, чудото на зачнувањето и промислата поврзана со раѓањето на Христовиот Предвесник.

Свети Јован бил син на праведните Захарија и Елисавета, побожни сопружници кои до длабока старост немале деца. И покрај тоа, тие не престанувале да се молат и да се надеваат на Божјата милост.

Според црковното предание, Бог ја услишал нивната молитва и, иако Елисавета била во поодминати години, таа зачнала син. Овој настан се смета за чудо, но и за дел од Божјиот план за спасението на човештвото, бидејќи на Јован му била доверена особена мисија – да биде пророк и Предвесник на Господ Исус Христос.

Раѓањето на свети Јован било најавено преку ангел, како што во Светото писмо биле најавени и други чудесни раѓања. Така, Бог го објавил раѓањето на Исак од Сара, на Самсон од неговите бездетни родители, а подоцна и на Јован Крстител од Захарија и Елисавета.

Црковното учење нагласува дека овие настани не треба да се разбираат само преку природните закони, туку како сведоштво за Божјата сила и промисла. Бог, Кој според христијанската вера го создал светот од ништо, може да дејствува и надвор од човечките очекувања и ограничувања.

Затоа празникот Зачнување на свети Јован Крстител ги потсетува верниците на силата на молитвата, трпението и надежта. Тој е и повик наместо со љубопитност да се обидуваме да го објасниме секое Божјо чудо, со благодарност да ја препознаваме Божјата милост, мудрост и грижа за човекот.

Свети Јован Крстител зазема посебно место во христијанската традиција. Неговата мисија била да го подготви народот за доаѓањето на Христос, повикувајќи на покајание и духовно обновување. Токму затоа неговото чудесно зачнување се смета за почеток на една од најзначајните улоги во евангелската историја.