01 јули 2026
• од Темелко Тошев
Скопје попладнево беше погодено од силно невреме проследено со обилни врнежи од дожд, град и засилен ветер. Градоначалникот Орце Ѓорѓиевски информираше дека Кризниот штаб на Град Скопје, заедно со сите служби и јавни претпријатија, е целосно мобилизиран и веќе интервенира на терен за справување со последиците.
Невремето, кое го зафати главниот град околу 14:30 часот, предизвика сериозни проблеми во одвивањето на секојдневниот живот. Според информациите од терен, забележани се следниве последици:
На местата каде што има поголеми поплави, полицијата го затвора сообраќајот и го пренасочува возилата по алтернативни улици за да се избегнат поголеми застои и инциденти.
Преку својот официјален Фејсбук профил, градоначалникот Ѓорѓиевски соопшти дека надлежните се во постојана координација со клучните институции, вклучувајќи ги ЦУК, МВР, ЕВН и Противпожарната бригада на Град Скопје.
„Сите капацитети се ставени во функција, со една цел – навремена заштита на граѓаните и спречување на поголеми последици. Екипите на Град Скопје ќе бидат на располагање во текот на целата ноќ и ќе интервенираат секаде каде што ќе биде потребно“, истакна Ѓорѓиевски.
Ѓорѓиевски упати директен апел до граѓаните да останат смирени и да соработуваат со екипите кои во моментов се борат со последиците од невремето.
„Не можеме да го запреме невремето, но можеме организирано, одговорно и заеднички да спречиме поголеми штети“, заклучи тој во својата објава, уверувајќи ги скопјани дека службите нема да се повлечат додека не се нормализира состојбата во градот.
Ненадминливи Понуди Дневно
4.8 (10276 рецензии)
Заштедете 152.00 ден

