Клековски во Здравство, Перински во ФЗО, Стоилковиќ во Локална самоуправа: Детали за владината реконструкција

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Клековски во Здравство, Перински во ФЗО, Стоилковиќ во Локална самоуправа: Детали за владината реконструкција

30 јуни 2026

• од Темелко Тошев

Во претстојната реконструкција на Владата предводена од премиерот Христијан Мицкоски, следува голема размена на ресори меѓу коалициските партнери, но и внатрепартиски ротации. Според партиски извори за „360 степени“, носечката партија во коалицијата ВМРО-ДПМНЕ ќе ги добие ресорите Здравство и Социјална политика, кадрите на Влен ќе застанат на чело на Правда, Односи меѓу заедниците и Култура, додека партијата ЗНАМ го презема Министерството за земјоделство.

Еве како ќе изгледа новиот распоред на силите на „Илинденска“ бр. 2:

Ротации и нови позиции за кадрите на ВМРО-ДПМНЕ и Коалицијата

Ротацијата на позициите носи промени на неколку клучни функции, при што највпечатлива е смената во здравствениот сектор и локалната самоуправа.

Сашо Клековски – Актуелниот директор на Фондот за здравствено осигурување (ФЗО) седнува во министерското столче во Министерството за здравство.
Златко Перински – Сегашниот министер за локална самоуправа заминува од Владата и ја презема испразнетата директорска позиција во ФЗО.
Иван Стоилковиќ – Досегашниот вицепремиер и министер за односи меѓу заедниците, се сели во испразнетиот владин ресор и станува нов министер за локална самоуправа.
Ѓоко Велковски – Кадарот на ВМРО-ДПМНЕ добива унапредување. Актуелниот заменик-министер застанува на чело на Министерството за социјална политика, демографија и млади.

Влен со проширено влијание

Размената на ресори, според договорот меѓу владините партнери, предвидува владејачката партија на Албанците да раководи со три значајни министерства.

Министерство за правда: Влен го презема овој ресор од ЗНАМ. Како најсериозен потенцијален шеф на правдата се спомнува универзитетскиот професор Јетон Шасивари.
Министерство за култура: Овој ресор преминува во рацете на Влен, позиција од која заминува досегашниот министер Зоран Љутков (ВМРО-ДПМНЕ).
Министерство за односи меѓу заедниците: Ресорот што го водеше Иван Стоилковиќ сега ќе биде раководен од кадар на Влен.

Беким Сали ја задржува својата позиција и останува министер за европски прашања.

ЗНАМ го менува Правда за Земјоделство

Партијата на Максим Димитриевски останува без Министерството за правда, каде што досега министеруваше Игор Филков. Како компензација, ЗНАМ ќе раководи со Министерството за земјоделство, шумарство и водостопанство.

За нов шеф на овој ресор се очекува да биде промовиран Борче Серафимовски, кој во моментов ја извршува функцијата државен секретар во истото министерство.

Промени кај министрите без ресор

Реконструкцијата опфаќа и промени во владиниот кабинет во делот на министрите без ресор:

Демократската партија на Турците (ДПТ) се очекува да добие министерско место без ресор.
Шабан Салиу повеќе нема да ја извршува функцијата министер без ресор задолжен за интеграција и имплементација на Стратегијата за инклузија на Ромите 2022-2030 година.