Шок за пациентите: Лекот „мифортик“ за трансплантиран бубрег преку ноќ поскапе за 3.450 денари

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Шок за пациентите: Лекот „мифортик“ за трансплантиран бубрег преку ноќ поскапе за 3.450 денари

25 јуни 2026

• од Темелко Тошев

Во време кога државата активно води кампањи за подигнување на свеста за органодарителството, граѓаните кои веќе поминале низ овој сложен процес се соочуваат со нов, тежок финансиски удар. Животоспасувачкиот лек „мифортик“, неопходен за телото да не го отфрли трансплантираниот бубрег, доби вртоглава доплата од дури 3.450 денари.

Фондот за здравствено осигурување и неговата седумчлена комисија за референтни цени продолжуваат да им приредуваат непријатни изненадувања на најранливите категории пациенти. Иако властите се обидуваат драстичното покачување на цените на лековите да го прикажат во позитивно светло – како дел од „добра политика“ за воведување генерички лекови на македонскиот пазар – реакциите на терен се полни со револт и горчина.

Од бесплатна терапија до луксуз

Промената во цената на партиципацијата за лекот е од многу понов датум и е направена речиси преку ноќ. Пациентите сведочат дека до почетокот на јуни оваа година, терапијата ја подигнувале со фискална сметка од 0 денари на рецепт.

Сега, за лекот кој мораат да го пијат до крајот на животот, треба да одвојат значителна сума од домашниот буџет.

Лекот е дел од задолжителниот секојдневен протокол за преживување.
Многу пациенти со трансплантиран бубрег ја примаат оваа терапија повеќе од 10 години.
Новата партиципација изнесува 3.450 денари.

Пациентите децидни: „Со животот не се експериментира“

Иако државата нуди опција за поевтина генеричка замена, семејствата на пациентите се категорични дека не им паѓа на памет да ја променат терапијата.

„Нашите професори специјалисти го препорачаа токму мифортик 360. Не сакаме да експериментираме со животот и со органот што едвај сме го добиле,“ велат револтираните членови на семејствата.

За нив, преминувањето на генерички лек кај толку сензитивна состојба како што е трансплантацијата, носи огромен ризик од отфрлање на бубрегот. Поради тоа, тие се принудени да ја плаќаат високата цена, додека истовремено прашуваат – каква е поентата на кампањите за органодарителство, ако државата потоа ги остава трансплантираните пациенти сами да го сносат огромниот финансиски товар за нивното преживување?