Левица со остри критики: Клековски го остави ФЗО со милионски долгови, а ДПМНЕ го награди со министерско место

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Левица со остри критики: Клековски го остави ФЗО со милионски долгови, а ДПМНЕ го награди со министерско место

31 јули 2026

• од Темелко Тошев

Политичката партија Левица упати жестоки критики кон владејачката ВМРО-ДПМНЕ и актуелниот министер за здравство, Сашо Клековски, обвинувајќи дека негативниот ревизорски извештај за Фондот за здравствено осигурување (ФЗО) наместо причина за одговорност, станал препорака за политичко унапредување.

Според Левица, Државниот завод за ревизија констатирал сериозни финансиски и системски пропусти во работењето на ФЗО во периодот кога со институцијата раководел токму Клековски.

Милионски дупки и тужби од странски болници

Во соопштението на партијата се посочува дека ревизијата открила застрашувачки податоци за ликвидноста на Фондот. Имено, ФЗО не располага со повеќе од 136 милиони евра од придонеси кои ПИОМ никогаш не ги префрлил. Дополнително, институцијата се соочува со судски спор тежок над 430.000 евра, во кој германска болница си ги бара парите за лекување на македонски пациенти поради неисполнети финансиски обврски од страна на Фондот.

Од Левица додаваат дека ревизорите забележале оти значителен дел од нивните препораки тенденциозно се игнорираат веќе трета година по ред.

„Овие наоди објаснуваат зошто здравствениот систем со години функционира во постојана финансиска неизвесност. Не е случајно што граѓаните сведочат за доцнење на надоместоците за породилно отсуство, што здравствените установи постојано алармираат за ненавремени исплати, ниту што Фондот завршува во судски спорови со странски болници,“ потенцираат од партијата.

Тие нагласуваат дека во секоја нормална држава, ваков извештај би значел утврдување на одговорност, но наместо тоа, Клековски е унапреден од страна на ДПМНЕ да раководи со целиот здравствен систем.

Ултиматум до новиот директор на ФЗО

Критиките на Левица не застанаа само кај актуелниот министер. Тие го прозваа и новопоставениот директор на ФЗО, Златко Перински, за кого велат дека е функционер чие име и претходно се поврзувало со сериозни контроверзии околу управувањето со јавни средства.

Партијата бара од Перински јавно да презентира конкретен план и рокови за:

Спроведување на сите ревизорски препораки;
Надминување на деценискиот проблем со неплатените придонеси;
Решавање на скапите судски спорови;
Воспоставување на систем кој ќе спречи повторување на истите грешки во следните ревизорски извештаи.

Според Левица, на Фондот во овие моменти му е потребно стручно и кредибилно раководство кое ќе понуди вистински решенија, а не „нова некадарна политичка ротација“.