Полицаец од Скопје ќе одговара кривично: Удрил во грб приведено лице со лисици на рацете

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Полицаец од Скопје ќе одговара кривично: Удрил во грб приведено лице со лисици на рацете

08 август 2026

• од Темелко Тошев

Скопски полицаец се соочува со кривична пријава откако без основ физички нападнал лице кое веќе било лишено од слобода и со врзани раце, соопштуваат од Министерството за внатрешни работи.

Одделот за внатрешна контрола, криминалистички истраги и професионални стандарди при МВР поднесе кривична пријава до Основното јавно обвинителство за гонење на организиран криминал и корупција (ОЈО ГОКК) против полицискиот службеник А.Т. Тој се товари за постоење основи на сомнение за сторено кривично дело „малтретирање во вршење на службата“, казниво по член 143 од Кривичниот законик.

Според деталите од полицискиот билтен, инцидентот се случил на 24 мај оваа година, околу 02:53 часот по полноќ, во Градскиот парк во Скопје, во близина на фонтаната на булеварот „Илинден“. Пријавениот, кој работел како помлад полицаец во Полициската станица Центар при СВР Скопје, за време на вршење на службените дејствија, без никаква причина употребил физичка сила и му задал удар во грбот на лице кое веќе било лишено од слобода и имало лисици на рацете.

Од МВР посочуваат дека со ваквото дејствие, полицискиот службеник постапил на начин кој директно го понижува човековото достоинство и личност на приведениот.

Покрај кривичната пријава, Одделот за внатрешна контрола ќе поднесе и предлог за поведување на дисциплинска постапка со цел утврдување на одговорност за грубо кршење на работната дисциплина.