Љубчо Георгиевски: Југославија ја срушија самите комунисти, а за култот кон Тито сите молчеа освен мене

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Љубчо Георгиевски: Југославија ја срушија самите комунисти, а за култот кон Тито сите молчеа освен мене

08 август 2026

• од Темелко Тошев

Поранешниот премиер Љубчо Георгиевски во неодамнешно излагање сподели интересни сеќавања од своите студентски денови, откривајќи го својот став за причините кои доведоа до распадот на поранешна Југославија, но и како една дискусија за Јосип Броз Тито била почеток на едно долгогодишно пријателство.

Георгиевски е дециден дека распадот на комунизмот и на југословенската федерација не бил резултат на надворешни фактори или заговори, туку дека системот се урушил од внатре, од самите негови создавачи.

„Значи рушењето на комунизмот и на Југославија си ја правеа самите југословенски комунисти. Тука немаше државни непријатели ни од надвор, ниту па уште помалку одвнатре“, потенцира тој во своето излагање.

Храброст пред 150 студенти

Како илустрација за тогашната општествена клима и личниот пркос, Георгиевски раскажа и една интересна анегдота од факултетските клупи. Имено, за време на едно предавање, професорот детално го објаснувал феноменот „култ на личноста“, набројувајќи ги неговите карактеристики.

Откако завршил со лекцијата, професорот отворено ги прашал присутните: „Дали вие, студенти, препознавате некој таков култ на личноста каков што го опишав јас?“

„Тука едно сто педесет, шеесет студенти во неколку групи слушавме, сите молчат. Јас кренав рака и викам – Тито. А тој се насмеа од уво до уво“, се присетува Георгиевски на овој клучен момент.

Од антикомунизам до историјата со Бугарија

Оваа искрена и храбра студентска реакција била искрата од која се родило големо, подоцна и куќно пријателство. Зборувајќи за развојот на политичките ставови со неговиот соговорник, Георгиевски укажува на постепеното отворање на одредени табу-теми.

„Во првата фаза тој беше само антикомунист и анти-Југословен до некаде. Меѓутоа оваа историја, општата историја со Бугарија, не сакаше да ја дискутира за да повлече во втората фаза“, заклучува Георгиевски, посочувајќи на сложеноста и еволуцијата на нивните разговори низ годините.