На хируршките клиники се одложуваат операциите кои не се итни поради дефект на системот за климатизацијa

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

На хируршките клиники се одложуваат операциите кои не се итни поради дефект на системот за климатизацијa

29 јуни 2026

• од Темелко Тошев

Поради дефект на системот за климатизација, елективните и сите операции кои не се од итен карактер се привремено одложени на скопските хируршки клиники.

Од Универзитетската клиника за трауматологија, ортопедски болести, анестезија, реанимација, интензивно лекување и ургентен центар (ТОАРИЛУЦ) за порталот „Локално“ потврдија дека климатизацијата во оперативниот блок не е во функција. Поради неможноста да се обезбедат соодветни и безбедни услови во салите, медицинскиот персонал бил принуден да ги одложи закажаните елективни зафати.

Сепак, од ТОАРИЛУЦ смируваат дека итните пациенти не се оставени без потребната здравствена заштита.

„Ургентниот центар работи најнормално, бидејќи системот за разладување не е поврзан со оној во оперативниот блок“, истакнуваат од Клиниката.

Проблемот со системот за ладење настанал во текот на денешниот ден. Од хируршките клиники посочуваат дека веќе се преземаат интервентни мерки за надминување на ситуацијата. Екипите интензивно работат на отстранување на дефектот, а очекувањата се дека уште во екот на утрешниот ден хируршкиот блок ќе се врати во нормална функција и ќе продолжи со редовната оперативна програма.

За новонастанатата ситуација реагираа и од Министерството за здравство. Од ресорното министерство информираат дека Службата за заеднички работи при клиничкиот центар, веднаш по добивањето на пријавата за дефектот, го контактирала овластениот сервисер за брза интервенција и санирање на проблемот.