ШОКАНТНИ ДЕТАЛИ: Мајката што го удираше бебето од асфалт во Тетово, претходно оставила две други деца голи на улица

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

ШОКАНТНИ ДЕТАЛИ: Мајката што го удираше бебето од асфалт во Тетово, претходно оставила две други деца голи на улица

29 јуни 2026

• од Темелко Тошев

Жената која пред две недели ја згрози јавноста откако беше спречена од минувачи додека го удираше своето тримесечно бебе од асфалт во Тетово, има сериозно минато на институционални пријави и брутално занемарување на своите деца.

Според информациите на телевизија „Телма“, повикувајќи се на изјавата на мајката дадена во Центарот за социјални работи (ЦСР) Тетово, таа претходно веќе се соочила со одземање на родителското право за уште две деца кои ги родила во други градови. Евиденцијата на тетовскиот Центар потврдува дека на оваа мајка не ѝ е првпат државата да мора да интервенира за да ги спаси нејзините потомци.

Најдени голи и повредени во раните утрински часови

Во текот на 2024 година, на жената ѝ биле одземени две малолетни деца поради екстремно занемарување од нејзина страна и од страна на нејзиниот вонбрачен партнер со кого живее во тетовското село Сараќино.

Алармот кај институциите бил вклучен откако мештани од Сараќино пријавиле дека двете деца се оставени на улица, целосно без облека и со видливи повреди.

„По завршените прегледи на малолетните деца, и тоа машко на речиси 1-годишна возраст и женско на 1-месечна возраст, кои беа најдени во раните утрински часови надвор, голи и несоодветно облечени, се утврди дека машкото дете има видливи повреди. По утврдување на фактичката состојба, констатиран е висок ризик за безбедноста и сигурноста на децата“, изјави за „Телма“ Магдалена Веселиновска, директорка на Меѓуопштинскиот центар за социјални работи – Тетово.

По ваквиот настан, стручните лица при ЦСР Тетово донеле итна одлука дека во најдобар интерес на децата е тие да бидат сместени во згрижувачко семејство, каде што сега добиваат соодветна грижа, нега и здравствена заштита.

Формално во брак, но живее со вонбрачен партнер

Директорката Веселиновска дополнува и детали за приватниот живот на мајката, посочувајќи дека таа формално е во брак со човек кој моментално се наоѓа на издржување затворска казна, но со него не живее заедно веќе една година.

Спасеното бебе е на сигурно

Најновиот хорор се случи на 14 јуни, кога само благодарение на брзата и храбра реакција на случајни минувачи во Тетово, тримесечното бебе беше буквално истргнато од рацете на мајката за да се спаси од понатамошно претепување.

По немилиот настан, бебето беше задржано на болничко лекување повеќе од една недела. Денес, според информациите од Центарот за социјални работи, и ова бебе е на безбедно и е сместено во згрижувачко семејство.